Álemde koronavırýske qarsy ekpe alǵandar sany aýrý juqtyrǵan adamdar sanynan asty
NUR-SULTAN. QazAqparat – Búkil álem boıynsha jańa koronavırýsqa rasy vaktsına alǵan adamdar sany alǵash ret aýrý juqtyrǵandar sanynan asqan. Bul týraly QazAqparat TASS agenttiginiń BAQ-taǵy resmı aqparat negizinde júrgizgen esebine silteme jasap habarlaıdy.
Álemde kem degende 105,1 mln adamǵa ekpe salyndy, bul rette pandemııa bastalǵaly álemde shamamen 103,9 mln adam indet juqtyrdy (sonyń ishinde 2,2 mln astam adam qaıtys boldy.
Vaktsına eń kóp salynǵan el – AQSh (33,7 mln adamǵa). Ekinshi orynda Ulybrıtanııa (teńiz syrtyndaǵy aýmaqtar, Normandııa araldary jáne Men aralyn eseptegende), onda 10,2 mln adamǵa vaktsına egildi. Úshinshi orynda – Izraıl (5,05 mln adam).
Turǵyndary vaktsına salynǵan elder tiziminde birinshi orynda Izraıl (56,86%), ekinshi orynda BAÁ (38,83%), úshinshi orynda – Seıshel araldary (36,25%). Ulybrıtanııa (15,3%), Bahreın (11,02%) jáne SShA (10,3%) on paıyzdyq mejeden endi asty.
