Álemde koronavırýske 8 mıllıonnan astam adam shaldyqty
BALTIMOR. QazAqparat – Álemde koronavırýs juqtyrǵandar sany 8 mıllıonnan asty. Bul týraly QazAqparat Amerıkadaǵy Djon Hopkıns ýnıversıtetiniń aqparatyna súıenip habarlaıdy.
Ýnıversıtet málimetterinshe, álemde indet juqtyrǵandardyń jalpy sany qazirgi kezde 8 018 742 adamǵa jetken. Onyń ishinde jazylyp shyqqandar sany – 3 816 550. Kóz jumdy – 436 406 naýqas.
Іndet juqtyrý sany boıynsha AQSh kósh bastap tur. Búginde onda COVID-19-ǵa 2 113 901 adam shaldyqty. Qaıtys bolǵandar sany 116 myń adamnan asty.
Ekinshi orynda Brazılııa tur. Onda koronavırýsty juqtyrýdyń 888 271 oqıǵasy tirkeldi. Bul el sondaı-aq, indetten kóz jumǵandar sany jaǵynan da ekinshi orynda (43 959 adam).
Tizimniń úshinshi ornynda Reseı eli ornalasqan. Onda koronavırýske 536 484 adam shaldyqty. Aıta ketý kerek, Soltústik jáne Ońtústik Amerıka, sondaı-aq Eýropa elderimen salystyrǵanda Reseıde koronavırýsten qaıtys bolǵandar sany aıtarlyqtaı az – 7 081.
