Álemde koronavırýs juqtyrý azaıdy, biraq keı aımaqta ólim kóp - DDU

JENEVA. QazAqparat – Dúnıejúzilik densaýlyq saqtaý uıymynyń pandemııa týraly baıandamasyna sáıkes, álem boıynsha koronavırýs juqtyrý tórtten birge azaıdy, biraq Azııanyń keıbir bólikterinde ólim-jitim kóbeıgen, dep habarlaıdy QazAqparat tilshisi ABC News basylymyna silteme jasap.

BUU Densaýlyq saqtaý agenttigi ótken aptada COVID-19 juqtyrýdyń 5,4 mıllıon jańa jaǵdaıy tirkelgenin habarlady. Bul – aldyńǵy aptaǵa qaraǵanda 24%-ǵa az. Koronavırýsqa shaldyqqandar sany álem boıynsha azaıdy, onyń ishinde Afrıka men Eýropada shamamen 40%-ǵa, Taıaý Shyǵysta úshten birge qysqarǵan.

Alaıda, Tynyq muhıtynyń Batys bóligi men Ońtústik-Shyǵys Azııada koronavırýstan bolǵan ólim jaǵdaıy 31% jáne 12%-ǵa kóbeıgen.

DDU Bas dırektory Tedros Adhanom Gebreıesýs koronavırýstan qaıtys bolǵandardyń sany sońǵy aıda 35%-ǵa artqanyn, ótken aptada 15 myń adam kóz jumǵanyn málimdedi.

Foto: abcnews.go.com