Álemde koronavırýs juqtyrǵandardyń sany 173 myńǵa jetti – DDU
LONDON. QazAqparat – Dúnıejúzilik densaýlyq saqtaý uıymy (DDU) álemde koronavırýs ınfektsııasyn 173 myń adam juqtyrǵanyn, taǵy 7 myń adam indetten jan tapsyrǵanyn málim etti, dep habarlaıdy QazAqparat VVS-ge silteme jasap.
Ótken aptada DDU Eýropany vırýstyń «oshaǵy» dep jarııalap, el úkimetterin COVID-19-dyń taralýyn baqylaý úshin kóbirek shara qabyldaýǵa shaqyrǵan edi.
Germanııada kantsler Angela Merkel dinı ǵuryptardy ótkizýge tyıym salyp, azamattardan ishki nemese sheteldik saparlarǵa shyqpaýyn surady. Klýbtar, barlar, oıyn-saýyq oryndary, haıýanattar baǵy jáne oıyn alańdary jabylady. Meıramhanalar jumys ýaqytyn shekteý úshin kesteler arasyndaǵy qashyqtyqty saqtaýy tıis. Eldegi mektepterdiń bári qazirdiń ózinde jabyq tur.
Qazirgi ýaqytta Germanııada koronavırýs ınfektsııasynyń 7 myń rastalǵan jaǵdaıy bar. Vırýs 14 adamnyń ómirin qıǵan. Halyqtyń bir jerge jınalýyna resmı tyıym salynǵan.
Al Ispanııa qazirgi ýaqytta koronavırýstan zardap shekken memleketterdiń ishinde tórtinshi orynda tur. Seısenbi kúni ondaǵy el bıligi koronavırýstan qaıtys bolǵandardyń sany 342-den 491-ge óskenin málimdedi. Rastalǵan jaǵdaılar 9 942-den 11 178-ge deıin artty. Senbide elde karantın ishinara engizildi.
Vırýs shyqqan Qytaıdan tysqary eń kóp zardap shekken elderdiń basynda Italııa tur. Dúısenbide ol eldiń bıligi ólim-jitimniń óskenin habarlady. Qaıtys bolǵandardyń sany 2 myń adamnan asty.
Belgııada koronavırýsty juqtyrǵandar sany seısenbide besten 10-ǵa deıin, ıaǵnı eki ese artty.
Sársenbide Shvetsııa barlyq joǵary oqý orny men mektepterdi jabady.
Búgingi tańda Frantsııada 6 myńnan astam jaǵdaı jáne 148 ólim týraly habarlanǵan.
Eýropadan tys ahýal qandaı
Seısenbide AQSh-tyń Demokratııalyq saılaý boıynsha Ogaıo shtatynda, keıin Arızona, Florıda jáne Illınoıs shtattarynda ótýi tıis daýys berý keıinge qaldyryldy.
Prezıdent Donald Tramp koronavırýsqa baılanysty tótenshe jaǵdaı jazdyń sońyna deıin nemese odan da uzaqqa sozylýy múmkin ekenin, al amerıkalyqtar aldaǵy 15 kúnde 10-nan astam adamnan turatyn topqa jınalmaýy kerektigin, sondaı-aq barlarǵa, meıramhanalarǵa, tamaqtaný alańdaryna jáne sport zaldaryna barýdan aýlaq bolý kerektigin málimdedi.
Seısenbi kúni Qytaı ózge elderden kelgen 20 adamnan ınfektsııa anyqtalǵanyn habarlady.
Al Fılıppın óz bırjasyn belgisiz merzimge japqan alǵashqy el boldy.
Koronavırýstan eń kóp zardap shekken úshinshi el – Iran. Munda sot ókili vırýstyń taralýyna baılanysty 85 myńǵa jýyq tutqynnyń, onyń ishinde saıası tutqyndar ýaqytsha bosatylǵanyn málim etti.
Malaızııa sársenbiden bastap Sıngapýrmen shekaradan ótýge tyıym salady.
Úndistandaǵy Tadj Mahal eskertkish-kesheni jabyldy.
Avstralııalyq ǵalymdar aǵzanyń ımmýndyq júıesi Covid-19 vırýsymen qalaı kúresetindigin anyqtaǵanyn málimdedi.
DDU basshysy Tedros Adhanom Gebreıesýs basqa elderge vırýspen kúreste Qytaı men Ońtústik Koreıadan úlgi alýǵa keńes berdi.
