Álemde koronavırýs juqtyrǵandar sany mıllıonǵa jýyqtady
MADRID. QazAqparat – Ispanııada sońǵy táýlikte koronavırýs juqtyrǵan 850-ge jýyq adam qaıtys boldy. AQSh-ta American Airlines kompanııasy úkimetten 12 mlrd dollar surap otyr. Al Polshada qatań karantın rejımi engizildi, dep habarlaıdy QazAqparat BBC agenttigine silteme jasap.
Covid-19 vırýsyn juqtyrýshylar sany kún sanap ósip keledi. Sonymen qatar onyń taraý jyldamdyǵy da artty. Djon Hopkıns ýnıversıtetiniń málimetteri boıynsha, álem boıynsha qaýipti vırýsty juqtyrýshylar sany sońǵy úsh kún ishinde 128 myń adamǵa jetti.
Aqpannyń ortasynda vırýs juqtyrýshylar sany táýligine ortasha alǵanda 2-3 myń adamdy qurady. Eger vırýstyń taraýy osy qarqynmen jalǵasa berse, osy aptanyń sońynda-aq álem boıynsha koronavırýs juqtyrǵandar 1 mıllıon adamǵa jetedi (seısenbi kúni olardyń sany 800 myń bolǵan).
1 sáýir kúngi tańdaǵy málimetter boıynsha álemde vırýs juqtyrǵandar sany 859991 (+73185 táýligine) adamdy quraǵan, qaıtys bolǵandar — 42148 (+4324), saýyǵyp shyqqandar — 178100 (+12493) adam.
