Álemde koronavırýs juqtyrǵandar sany artýda
Senbi kúni koronavırýstan taǵy 142 adamnyń kóz jumǵany belgili boldy. Olardyń 139-y indettiń oshaǵyna aınalǵan Hýbeı provıntsııasynda kóz jumǵan. Ulttyq densaýlyq saqtaý komıssııasynyń málimetinshe, eki adam Sychýan provıntsııasynda jáne bireýi – Hýnan provıntsııasynda kóz jumdy. Sondaı-aq, 2009 adamnyń ishinde 1843-i Hýbeı provıntsııasynan. 1843 naýqastyń 888-ine klınıkalyq dıagnoz qoıyldy. Osylaısha, Qytaıda koronavırýs juqtyrýdyń rastalǵan 68 500 jaǵdaıy tirkeldi.
Yonhap deregi boıynsha, Ońtústik Koreıada 82 jastaǵy er adamnyń jańa vırýsty juqtyrǵany anyqtaldy. Ol sońǵy ýaqytta elden múldem shyqpaǵan. Ońtústik Koreıada indetke shaldyqqandardyń jalpy sany – 29 adam.
Sonymen qatar, Diamond Princess krýızdik laınerinde koronavırýs juqtyrǵandar sany artyp jatyr. The Guardian habarlaǵandaı, jeksenbi kúni Japonııada 4 aqpannan beri karantınde bolǵan laınerdiń jolaýshylary arasynda 70 adamnyń aýrý juqtyrǵany belgili boldy. Іndet juqtyrǵandardyń jalpy sany 355 adamǵa jetti. Diamond Princess bortynda azamattary bar AQSh, Gonkong, Kanada, Aýstralııa jáne taǵy basqa elder óz adamdaryn evakýatsııalaýǵa daıyn. Olar úılerine oralǵannan keıin 14 kúnge karantınge ornalastyrylady.