Álemde koronavırýs juqtyrǵandar sany 534 myńnan asty
NUR-SULTAN. QazAqparat – Álemde koronavırýs indetin juqtyrý jaǵdaılary 530 myńnan asyp jyǵyldy, dep habarlaıdy QazAqparat.
«27 naýryz tańyndaǵy jaǵdaı boıynsha, álemde ınfektsııaǵa 534 506 adam shaldyqty. Bir táýlik ishinde olardyń sany 59 419 kóbeıdi. 24 187 adam qaıtys boldy, bir táýlik ishinde – 2787. Jazylyp shyqqandar sany 119 951, bir táýlik ishinde – 9293», - delingen QR Densaýlyq saqtaý mınıstrligi Taýarlar men kórsetiletin qyzmetterdiń sapasyn jáne qaýipsizdigin baqylaý komıtetiniń málimetinde.
Aıta keteıik, 27 naýryz, saǵat 07.50-degi jaǵdaı boıynsha, Qazaqstanda indetke 120 adam shaldyqty: Nur-Sultan qalasynda - 60 adam, Almaty qalasynda – 47, Qaraǵandy oblysynda - 4, Shymkent qalasynda - 2, Almaty oblysynda - 1, Aqtóbe oblysynda - 1, Jambyl oblysynda - 3, Soltústik Qazaqstan oblysynda - 1, Aqmola oblysynda - 1 adam.
