Álemde koronavırýs juqtyrǵandar sany 250 mıllıonnan asty
JENEVA. QazAqparat - Álemde SARS-CoV-2 koronavırýstyń rastalǵan jaǵdaıynyń sany 250 mıllıonnan, al qaıtys bolǵandar sany 5,05 mıllıonnan asqan. Bul týraly QazAqparat. Dúnıejúzilik densaýlyq saqtaý uıymyna (DDSU) silteme jasap habarlaıdy.
DDU jarııalaǵan málimetterge sáıkes, 9 qarashadaǵy jaǵdaı boıynsha 250 154 972 adam koronavırýs juqtyrǵan jáne 5 054 267 naýqas kóz jumǵan. Aýrýdy juqtyrǵandar sany kúnine 370 007 adamǵa, al qaıtys bolǵandar 6 183-ke jetken.
DDSU-ǵa túsken ınfektsııanyń rastalǵan jaǵdaılarynyń kópshiligi AQSh-ta tirkelgen – 46 193 234. Odan keıin Úndistan (34 377 113) jáne Brazılııa (21 880 439).
Qaıtys bolǵandar sany boıynsha AQSh-ta eń kóp – 748 615 naýqas, ekinshi orynda - Brazılııa (609 447), úshinshi orynda – Úndistan (461 389).
