Álemde koronavırýs juqtyrǵandar sany 200 myń adamǵa jaqyndady
NЬıÝ-IORK. QazAqparat – Sársenbi kúni álemde koronavırýs juqtyrǵandar sany 200 myń adamǵa jaqyndady. AQSh-ta jáne basqa da elderde adamdar oqshaýlaý jáne karantın jaǵdaıyna beıimdelip qaldy, dep habarlaıdy QazAqparat NBC News-ke silteme jasap.
Djon Hopkıns ýnıversıtetiniń málimetinshe, qazirgi ýaqytta álem boıynsha 198 000 adam aýrýǵa shaldyqqan, 8 myńǵa jýyǵy kóz jumdy. Qurama Shtattar men Eýropanyń kóptegen elderi osy aptada koronavırýstyń aldyn alý sharalaryn qabyldady. Sonyń ishinde komendanttyq saǵat engizilip, qozǵalysqa shekteý qoıyldy. Eýropa shekaralardy jaýyp jatyr.
AQSh-ta koronavırýstan ajal qushqandar sany seısenbi kúni 100 adamnan asty. Іndetti juqtyrý faktileri barlyq 50 shtatta tirkelgen. Dúnıejúzilik densaýlyq saqtaý uıymy COVID-19 dep ataý bergen jańa koronavırýs 150 elde, sonyń ishinde Qytaıda taraldy. DDU bul indetti jahandyq pandemııa dep jarııalady. Qazirgi ýaqytta tirkelgen indettiń 50% astamy Qytaıdan tysqary elderde anyqtalǵan, dep habarlaıdy Pharmaceutical Technology.
Sońǵy málimetterge sáıkes, Qytaıda koronavırýsty 80894 adam juqtyrǵan. Infektsııaǵa shaldyqqandar boıynsha ekinshi orynda Italııa (31506) tur. Úshinshi orynda - Iran, onda naýqastar sany 16169 adamǵa jetti. Ispanııada 11826 naýqas tirkeldi. Altynshy orynda – Ońtústik Koreıa (8,413). Frantsııada 7730 jaǵdaı anyqtalsa, AQSh-ta - 6524. Shveıtsarııada 2742 adam jáne Ulybrıtanııada 1960 adam vırýsqa shaldyqqan.
ıÝNKTAD boljamdy baǵalaýyna sáıkes, koronavırýs indetiniń saldarynan ekonomıkasy qatty zardap shekken elder arasynda – Eýropa odaǵy, AQSh, Japonııa, Ońtústik Koreıa, Taıvan jáne Vetnam bar.
