Álemde koronavırýs juqtyrǵandar sany 100 mıllıonnan asty

NUR-SULTAN. QazAqparat - Álemde koronavırýs ınfektsııasyn juqtyrǵan halyqtyń sany 100 mıllıonnan asty, dep habarlaıdy QazAqparat.

Bul jaıynda indettiń statıstıkasyn júrgizip otyrǵan Worldometers aqparat kózi resmı málimet taratty.

Dál qazir álemde koronavırýsqa shaldyqqandar sany - 100 mln 280 myń 265 adam.

Osy kúnge deıin 2 mln 149 myń 387 syrqat indetten kóz jumǵan.

Al 72 mln 289 myń 211 adam COVID-19 dertinen saýyǵyp ketken.

Resýrstyń habarlaýynsha, qazir 25 839 818 adam koronavırýstan emdelip jatyr. Onyń ishinde 110 myń patsıenttiń jaǵdaıy óte aýyr.

Naýqastar sany boıynsha alǵashqy bestikte AQSh, Úndistan, Brazılııa, Reseı jáne Ulybrıtanııa tur.