Álemde koronavırýs qurbandarynyń sany 600 myń adamnan asty

NUR-SULTAN. QazAqparat – Djon Hopkıns ýnıversıtetiniń sanaýy boıynsha, indetten kóz jumǵandardyń eń kóbi - AQSh, Brazılııa jáne Ulybrıtanııa elderinde, dep habarlaıdy QazAqparat ýnıversıtet málimetterine silteme jasap.

Jańa tıptegi koronavırýsty juqtyrǵan soń qaıtys bolǵan adamdardyń sany senbi kúni kúni 600 435-ke jetti. Bul Djon Hopkıns ýnıversıtetiniń memleketterdiń federaldyq jáne jergilikti bıliginiń aqparaty negizinde jasaǵan esebi.

Zertteý uıymynyń málimetinshe, vırýstan eń kóp adam kóz jumǵan elder – AQSh (139,9 myńnan astam adam), ekinshi orynda Brazılııa (78,7 myńnan astam adam) jáne Ulybrıtanııa (45,3 myńnan astam adam).

Qazirgi kezde koronavırýs 14,2 mln astam adamnan anyqtalǵan. Іndet juqtyrý oqıǵalarynyń eń kóbi AQSh-ta (3 697 743). Budan keıin tizimde (2 074 860), Úndistan (1 038 716) jáne Reseı (765 437) tur.

Jańa koronavırýstan shyǵatyn derttiń órshýi 2019 jyldyń sońynda Ortalyq Qytaıda tirkelip, kóptegen elderge taraǵan. Dúnıejúzilik densaýlyq saqtaý uıymy ony pandemııa dep atady.