Álemde koronavırýs ınfektsııasyna qatysty ahýal qandaı

NUR-SULTAN. QazAqparat - Qazaqstanda koronavırýstyń taralýyna qarsy vedomstvoaralyq komıssııa álemdegi epıdemıologııalyq jaǵdaıǵa sholý jasady, dep habarlaıdy QazAqparat.

Úndistanda bir kúnde koronavırýstan 500-ge jýyq adam qaıtys boldy. COVID-19 juqtyrýdyń taǵy 39 070 jaǵdaıy anyqtaldy.

KVI faktileriniń jalpy sany 31 934 455 jetti. Osy ýaqytqa deıin COVID-19 indeti elde 427 862 adamnyń ómirin qıdy.

Qazirgi ýaqytta Úndistanda aýrýhanalardyń qarqyndy terapııa palatalarynda 406 822 azamat em qabyldaýda.

Aýrý juqtyrǵandardyń 43 910-y saýyǵyp, aýrýhanadan shyǵaryldy.

Táýligine 22 866 jańa COVID-19 juqtyrý deregi tirkelip, 787 adam qaıtys boldy, mundaı málimetterdi Reseıdiń koronavırýstyń taralýyna qarsy jedel shtaby jarııalady.

Eń kóp faktiler Máskeýde (2 761), Sankt-Peterbýrgte (1 907) jáne Máskeý oblysynda (1 527) anyqtaldy.

Jalpy, pandemııa bastalǵannan beri Reseıde 6 447 750 COVID-19 jáne 164 881 adam qazasy tirkeldi.

18 qańtardan bastap Reseıde COVID-19-ǵa qarsy aýqymdy vaktsınatsııa júrgizilýde.

Qazirgi ýaqytta elde koronavırýsqa qarsy tórt vaktsına tirkelgen: «Spýtnık V», «Spýtnık Light», «EpıVakKorona» jáne «KovıVak».

Gvadelýpa elde COVID-19 jaǵdaılarynyń kúrt ósýine baılanysty vaktsınatsııa qarqynyn kúsheıtip jatyr.

Frantsýz aralynda jansaqtaý bólimine túsip jatqan naýqastardyń kóptiginen materıkke alǵashqy medıtsınalyq evakýatsııalaýdy júzege asyrýǵa týra keldi.

Bul týraly jumada Gvadelýpa prefektýrasy men aımaqtyq densaýlyq saqtaý agenttiginiń birlesken kommıýnıkesinde aıtyldy.

Elde 4 kúnde 4178 jańa derek jáne 4 ólim jaǵdaıy tirkeldi.

Avstralııanyń jańa Ońtústik Ýels shtaty koronavırýstyq ınfektsııalar deńgeıiniń taǵy bir rekordtyq ósýi týraly habarlady: senbide 319 jaǵdaı tirkeldi, 5 adam qaıtys boldy.

Ońtústik Ýelstegi jaǵdaıǵa baılanysty Avstralııanyń 3 iri qalasy buǵattaldy.

Eldiń ekinshi iri qalasy bolyp tabylatyn Melbýrn bıligi indettiń taralý kózin tabýǵa tyrysýda.

Sıdneıde oqshaýlaý rejımi jetinshi aptaǵa sozyldy, biraq ınfektsııa taralýy toqtaǵan joq.

Densaýlyq saqtaý mınıstri Bred Hazzard otandas azamattardyń basym bóligi sanıtarlyq sharalardy saqtamaǵanyna narazylyq bildirdi.

Bangladesh bıligi qatań oqshaýlaý rejımin uzartty jáne apta saıyn 10 mıllıon adamdy vaktsınalaý josparyn jarııalady: el COVID-19 vırýsyn juqtyrýdyń kúrt ósimimen kúresip jatyr.

Vaktsınatsııa naýqanyna el boıynsha 14 myń medıtsınalyq ortalyqta ondaǵan myń medıtsına qyzmetkeri jumyldyryldy.

COVAX bastamasy boıynsha vaktsınalar Qytaı men AQSh -tan jetkizildi.