Álemde koronavırýs anyqtalǵan adam sany 2,5 mıllıonnan asty
VAShINGTON. QazAqparat – Djon Hopkıns ýnıversıteti (Johns Hopkins University) taratqan sońǵy málimet boıynsha, álemde 2 563 384 adamnan koronavırýs indeti anyqtaldy. Álemde COVID-19 vırýsynan 177 424 adam qaıtys boldy, dep habarlaıdy QazAqparat Djon Hopkıns ýnıversıtetiniń resmı saıtyna silteme jasap.
Álemde aýyr dertten 681 477 adam saýyqqan. Ásirese AQSh, Italııa, Ispanııa jáne taǵy birqatar Eýropa elderinde koronavırýsqa qatysty jaǵdaı kúrdeli.
Іndet juqtyrýdyń eń kóp oqıǵasy AQSh-ta tirkelgen. Onda 824 438 adamnan vırýs anyqtaldy, 75 289 adam dertten jazyldy. Pandemııa bastalǵannan beri elde 45 042-den astam adam kóz jumǵan, bul rette vırýstan eń kóp adam Nıý-Iork qalasynda qaıtys bolǵan. Elde KVI tekserý úshin 4 155 178 test jasaldy.
Adam ólimi sany boıynsha ekinshi orynda – Italııa (24 648 adam). Elde indet juqtyrǵandardyń jalpy sany - 183 957 adam.
Ispanııa eli álemde koronavırýs juqtyrý oqıǵalarynyń sany boıynsha ekinshi orynda. Onda aýrý juqtyrýdyń 204 178 oqıǵasy rastaldy, 21 282 adam qaıtys boldy. 21 282 adam jazylyp shyqqan.
Frantsııada 159 299 adam aýrýǵa shaldyqqan. 20 829-y qaıtys boldy. Germanııada COVID-19 juqtyrýdyń 148 453 oqıǵasy tirkelip, 5 086 adam kóz jumǵan.
Brıtanııada pandemııa bastalǵannan beri indet juqtyrýdyń 130 175 oqıǵasy tirkeldi, 17 378 adam kóz jumdy, 640 adam jazyldy.
Buryn habarlanǵandaı, vırýs álemge taralyp, 11 naýryzda DDSU COVID-19 koronavırýsyn pandemııa ataǵan.
Sońǵy málimetter boıynsha, Qazaqstanda koronavırýs juqtyrýdyń 2025 oqıǵasy tirkeldi.
