Álemde kópólshemdi kedeılik jaǵdaıynda ómir súretin adamdar sany sońǵy 16 jylda alǵash ret ósti
ASTANA. KAZINFORM - Kópólshemdi kedeıliktiń jahandyq ındeksi 2010 jyly engizilgennen beri alǵash ret ósimdi kórsetti. Qazir álemde 1,2 mlrd adam osyndaı jaǵdaıda ómir súredi, olardyń jartysynan astamy – balalar, dep habarlaıdy reseılik TASS.
BUU Damý baǵdarlamasynyń málimetinshe, bul kórsetkish aldyńǵy eseppen salystyrǵanda 51,5 mln adamǵa artqan.
Kópólshemdi kedeılik jaǵdaıynda ómir súretin adamdardyń shamamen 83%-y aýyldyq jerlerde turady. Olardyń jalpy sanynyń jartysynan astamyn, ıaǵnı 617 mln adamdy balalar quraıdy.
BUU Damý baǵdarlamasynyń ákimshisi Aleksander De Kroo kedeılik deńgeıiniń ósýi búkil álem úshin alańdatarlyq belgi ekenin aıtty. Alaıda ol memleketter úılesimdi áreket etken jaǵdaıda jaǵdaıdy ózgertýge bolatynyn atap ótti.
Kópólshemdi kedeılik ındeksi halyqtyń tabysyn ǵana emes, bilim alýǵa, medıtsınalyq kómekke jáne ómir súrýge qajetti basqa da negizgi jaǵdaılarǵa qoljetimdiligin eskeredi.
Osyǵan deıin Argentınada kedeılik sheginde ómir súretinder sany artqany týraly jazdyq.
