Álemde Qazaqstandaǵydaı yntymaǵymen maqtana alatyn elder kóp emes - ıÝlııa Denısenko

«1 mamyr - búkil Keńes odaǵynyń memleketteri toılaǵan mereke bolatyn. Biraq qazaqstandyqtar ony táýelsizdik jyldarynan keıin keńinen toılaı bastady. Sebebi o bastan aq 130 ulttyń ókili óz bolashaqtaryn birge kóterdi, jańa ortaq jeńisterge birlese qol jetkizdi. Ulttyń osynshalyqty áralýandyǵy jas memleketti qurtyp tynady dep aıtqandar kóp boldy. Alaıda Elbasynyń saýatty saıasatynyń arqasynda bul bizdiń kúshimizge aınaldy», - dep atap ótti ol «QazAqparat» tilshisine bergen suhbatynda.

ıÝlııa Denısenko sondaı-aq, Qazaqstan halqy Assambleıasynyń mańyzyn da atap ótti. Onyń aıtýynsha, búginde 130-dan astam ult ókilderi bir shańyraq astynda tatý-tátti ómir súrýde. Qazaqstanda olardyń barlyǵynyń mádenıeti men óneri qoldaý tabýda. Olardyń árqaısysy bul elde óziniń ulttyq ereksheligin saqtaı otyryp, tolyqqandy qazaqstandyq dep atalýǵa quqyly.

«Prezıdent «osyndaı halqyma qyzmet etý - men úshin úlken abyroı» degen bolatyn, osy sózderi qatty eljiretti. Bul elde árbir qazaqstandyqtyń eshbir shekteýsiz damyp, bala-shaǵasyn ósirip, bilim berip, baıandy bolashaǵyna sene alatyny úshin sheksiz baqytty sezinesiń. Al Qaraǵandydaǵy sý tasqyny oryn alǵan kezde qazaqstandyqtardyń japa shekken halyqqa gýmanıtarlyq kómekti aıamaı joldap jatqanyna tipti rııasyz qýandym. Osynaý keremet merekemen barlyqtaryńyzdy quttyqtaımyn, qurmetti qazaqstandyqtar! Ashyq aspan, taýsylmas baqyt tileımin!», - deıdi ıÝlııa Denısenko.