Álemde qarý-jaraq saýdasynyń kólemi 10 paıyzǵa artty
BRıÝSSELЬ. QazAqparat - Álemdegi qarý-jaraq saýdasynyń kólemi 2013-2017 jyldar aralyǵynda 10 paıyzǵa artqan. Bul týraly Stokgolm álemdik máselelerdi zertteý ınstıtýtynyń (SIPRI) esebinde aıtyldy, dep habarlaıdy «QazAqparat» HAA menshikti tilshisi.
2008-2012 jyldardaǵy derektermen salystyrǵanda, Azııa jáne Okeanııa, sondaı-aq Taıaý Shyǵys elderine qarý-jaraq jetkizý kólemi artqan. Afrıka, Amerıka, jáne Eýropa elderine baratyn qarý-jaraq aǵyny kersinshe kemigen. Qarý eksportymen aınalysatyn elder bestigi mynalar: AQSh, Reseı, Frantsııa, Germanııa, jáne Qytaı. Atalǵan elderge álemdik qarý eksportynyń 74 paıyz úlesi tıesili.
Eksportta kósh bastap turǵan el AQSh - 34 paıyz. Reseı ekinshi, Frantsııa men Germanııa úshinshi tórtinshi oryndarda. Qytaı besinshi orynda tur, alaıda onyń áskerı eksporty 5 jyldyń ishinde 38 paıyzǵa ulǵaıǵan.
Al qarýlanyp jatqan ımporter elderdiń kóshin Taıa Shyǵys elderi bastap tur, sonymen qatar Úndistan sońǵy jyldar qarý satyp alýda. Odan keıin Saýd Arabııasy men Egıpette qarý ımporty ulǵaıyp keledi.
