Álemde halal azyq-túlikti tutynatyn 2 mlrd.-tan astam adam bar
ASTANA. 28 aqpan. QazAqparat - Búkilálemdik halal keńesiniń eýropalyq bólimshesi Italııada alǵashqy májilisterin ótkizbek.
Atalǵan keńes musylmandar tutynatyn azyq-túlik salasyndaǵy jetekshi sarapshylardyń basyn qosatyn uıym bolyp tabylady. Bul týraly muslim.kz saıty jazady.
Saıttyń jazýyna qaraǵanda, halyqaralyq halal basqarmasynyń ıtalııandyq fılıaly uıymdastyrǵan shara 1-2 naýryz kúnderi Mılan qalasynda ótedi. Oda mamandar biryńǵaı standarttaý júıesin, sondaı-aq ózge de túıtkildi máselelerdi ortaǵa alyp, Eýropadaǵy azyq-túlik salasynyń damý keleshegi men problemalaryn talqylamaq. Forýmǵa atalmysh uıymnyń múshesi bolyp tabylatyn (solardyń ishinde NІA, Halal sapasyn baqylaý basqarmasy, Halal keńesi, Ispan halal ınstıtýty, Eýropalyq halal ınstıtýty, Parıjdiń ortalyq meshiti, Polshadaǵy musylmandar odaǵy men ózge de uıymdar) barlyq eýropalyq agenttikterdiń ókilderi qatysady.
«Halal azyq-túlikti tutynatyn halyqtyń sany álem boıynsha eki mıllıardtan asady. Olardyń 35 mıllıonnan astamy Eýropada turady eken. Alaıda, uıymdastyrýshylardyń aıtýynsha, halal sertıfıkattardy berýmen halyqaralyq lıtsenzııasy joq belgisiz uıymdar aınalysyp keledi. Búkilálemdik halal keńesi dúnıejúzindegi halal sertıfıkat beretin organdarmen yntymaqtastyq ornatý maqsatynda Indonezııada 1999 jyly qurylǵan bolatyn», - dep jazady Áziret Sultan meshitiniń resmı saıty.
