Álemde eńbek mıgranttarynyń quqyǵy jıi buzylady
Bul týraly búgin Almatydaǵy «Nur Otan» HDP fılıalynda ótken «Qazaqstandaǵy kóshi-qon úrdisteri jáne genderlik quramdy esepke ala otyryp eńbek etýshi mıgranttardy áleýmettik biriktirý» atty dóńgelek ústel májilisi barysynda aıtyldy.
«Halyqaralyq eńbek mıgratsııasy álemdik jahandanýdyń aıyrylmas bóligi bolyp tabyldy. Mıgratsııa adamdarǵa óz quqyqtary men múmkindikterin kóbeıtýge, jeke jáne kásibı áleýetin kóterýge múmkindik beredi. Alaıda bul salada sheshýin tabatyn másele jetkilikti. Sonyń eń bastysy - mıgranttar quqyǵy. Bul máseleni sheshý úshin ortaq yqpaldastyq kerek. Búgingi konferentsııanyń basty júgi osyǵan negizdeldi»,- dedi dóńgelek ústeldi uıymdastyrýshylar.
Otyrys barysynda mıgratsııanyń álemdik problemalarymen qatar Qazaqstandaǵy máseleleri men kóshi-qon zańdaryn jetildirý sóz boldy. «Qazaqstan shet eldik jumys kúshin zańdy túrde jumys istetýge qansha tyrysqanymen shet eldik jumys kúshiniń basym bóligi zańsyz túrde jumysqa ornalasqandy jón kóredi. Bul rette eńbek mıgranttarynyń ózderiniń quqyqtary buzylyp otyr»,- deıdi sharaǵa qatysýshylar. Otyrys barysynda bunymen qatar eńbek mıgranttarynyń januıalaryn qorǵaý máselesine de basa nazar aýdarý kerektigi aıtyldy. Keńes barysynda jasalǵan usynystardy sharany uıymdastyrǵan QR Parlamenti janyndaǵy «Nur Otan» HDP áleýmettik keńesi, Eńbek mıgratsııasy jónindegi halyqaralyq uıym, Qazaqstannyń balalar qory, Ulybrıtanııanyń halyqaralyq damý mınıstrligi ary qaraı júzege asyrýǵa ýaǵdalasty.
