Álemde eń jıi qoldanylatyn tanymal parolder belgili boldy
NordPass baǵdarlama jasaýshylary 2023 jylǵy top-20 qupııasóz tizimin jarııalady. Kazinform bul týraly NordPass resýrsyna silteme jasap habarlaıdy.
Jeli qoldanýshylary ádette akkaýnttaryna eń ońaı qupııasóz qoıady. Sarapshylar deregi de osyny rastady.
NordPass qupııasóz menedjerleri 2023 jylǵy eń tanymal 20 qupııasóz tizimin jasap shyqty.
Sonymen adamdar derekterin kóbine 1-den 6-ǵa deıingi sandardy paıdalanyp «qorǵaıtyn» bolyp shyqty — «123456».
Mundaı qupııasózdi ınternet qoldanýshylar 4 524 867 ret paıdalanǵan.
Ekinshi orynda «admin» tur. Ol 4 008 850 márte qoldanylǵan.
Sarapshylardyń aıtýynsha, arnaıy baǵdarlamalyq jabdyǵy bar hakerler mundaı qupııasózdi birneshe sekýnd ishinde taýyp alady.
Byltyr eń álsiz qupııasóz reıtınginde kósh basynda turǵan «password» bıyl jetinshi orynǵa túsip qaldy.
Sonymen qatar jeli qoldanýshylarynyń súıikti qupııasózderiniń qatarynda «unknown» jáne 0000 kombınatsııalary, pernetaqtada birinen keıin biri ornalasqan san nemese áripten quralǵandary bar. Mysaly «123», «1234», «12345», «12345678», «123456789», «1234567890», «Aa123456» sekildi.
