Álemde eń alǵashqy jasandy kózdi 4,5 myń jyl buryn paıdalanǵan
ASTANA. QazAqparat - Irannyń Reseıdegi elshisi Mehdı Sanaı LiveJournal-daǵy óz blogynda álemdegi alǵashqy jasandy kóz jaıly aıtty.
Onyń aıtýynsha, bul kóz ırandyq Sıstan, Belýdjıstan provıntsııasynyń janyp ketken qalasyndaǵy zırattardyń birinen tabylǵan. Ol 4,5 myń jyl buryn ómir súrgen áıelge tıesili bolǵan.
Mamandar ázirge kóz qandaı materıaldan jasalǵanyn anyqtaǵan joq. Alaıda ony daıyndaǵanda, janýarlardyń maıy aralastyrylǵan tabıǵı shaıyr paıdalanǵan degen boljam bar.
Arheologtardyń aldyn ala zertteýi kórsetkendeı, áıeldiń qasynyń astynda qabyný belgileri kórinip tur. Jasandy kózdiń tómengi bóligi qabaqqa uzaq ýaqyt janasa berýinen onda qabaqtyń organıkalyq ulpasy qalyp qoıǵan. Jasandy kózdi bekitý úshin kóz sharasyna jasandy kózdiń shetterindegi eki sańylaýdy paıdalanǵan.
