Álemde elektromobılderdiń satylymy artyp keledi

ASTANA. KAZINFORM — Brıtandyq Rho Motion zertteý kompanııasynyń málimetinshe, 2025 jyldyń alǵashqy alty aıynda elektromobılderdiń jahandyq satylymy ótken jyldyń sáıkes kezeńimen salystyrǵanda 28 paıyzǵa ósip, 9,1 mıllıon danany qurady, dep habarlaıdy Anadoly. 

Maýsym aıynda elektromobılderdiń satylymy ótken jyldyń sáıkes kezeńimen salystyrǵanda 24 paıyzǵa artyp, 1,8 mıllıon danaǵa jetkeni atap ótildi.

Bul turǵyda Qytaı sózsiz kóshbasshy. Dúnıe júzinde satylǵan kólikterdiń 5,5 mıllıony Qytaıǵa tıesili.

Eýropada 2025 jyldyń qańtar-maýsym aılarynda elektromobılderdiń satylymy 26%-ǵa ósip, 2 mıllıon dana boldy.

Soltústik Amerıkada (AQSh, Kanada, Meksıka) sońǵy alty aıda satylym 3%-ǵa tómendep, tek 900 myń elektromobıl satyldy.

Qalǵan elderde satý kólemi 40%-ǵa ósip, 700 myń elektromobıl satyldy.

Eske sala keteıik, Shvetsııa elektromobılderdi qozǵalys kezinde qýattaýǵa bolatyn joldar salady.