Álemde dollar mıllıarderleriniń sany artty – The Guardian
NUR-SULTAN. QazAqparat – Global Wealth Report zertteýinde alǵash ret AQSh ekinshi oryn alyp, Qytaıdyń birinshi orynǵa shyqqany habarlandy, dep jazady The Guardian.
«Jer sharyndaǵy baı qytaılyqtar sany 100 mln adam, al amerıkalyqtar 99 mln adamdy quraıdy. AQSh pen Qytaı arasyndaǵy saýda soǵysyna qaramastan sońǵy bir jyl ishinde eki memlekettiń de ál-aýqaty $3,8 trln jáne $1,9 trln ǵa artqan.», deı kele avtor AQSh mıllıonerler sany boıynsha Qytaıdan sál alda ekenin aıtady. AQSh-ta 18,6 mln adamnyń qarjysy 1 mln dollardan assa, Qytaıda 4,4 mln adamnyń qarjysy 1 mln dollardan asady.
«Álem boıynsha dollar mıllıarderleriniń jalpy sany 1,1 mln adamǵa artyp, 47 mln adamǵa jetken. Olardyń qolyndaǵy aktıv 158 trln dollardy quraıdy. 55 920 adamnyń baılyǵy 100 mln dollardan asaly, al 4830 adam 500 mln dollardan asatyn qarajatqa ıe», dep jazady avtor.
Onyń aıtýynsha, ár eresek adamǵa shaqqandaǵy kiris álem boıynsha Shveıtsarııada kóp. Al álem ekonomıkasyna AQSh, Qytaı, Eýroodaq elderiniń tıgizip jatqan áseri mol.
