Álemde dáýletti otbasylar sany artýda
ASTANA. 12 maýsym. QazAqparat - Boston Consulting «Global Wealth 2013» kompanııasynyń zertteýine sáıkes, esepshotynda 1 mıllıon dollardan astam qarjysy bar otbasylardyń sany 2012 jyly 13,8 mıllıonǵa jetti.
Degenmen, bul jalpy otbasy sanynyń 1 paıyzǵa jeter-jetpes bóligi ǵana. Byltyr jeke tulǵalardyń qarjylyq aktıvteri 8%-ǵa ósken.
Eń baqýatty aımaq retinde áli kúnge deıin Soltústik Amerıka men Batys Eýropa qalyp otyr. Taldaýshylar paıymynsha, Shyǵys Eýropada jeke jınaqtardyń eń qarqyndy ósimi baıqalady. Sarapshylardyń esep-qısabynsha, ol sońǵy bes jylda eki esege jýyq artady. Eń baı otbasylar AQSh-ta - 5,9 mıllıon adam. Odan keıin Japonııa men Qytaı tur, bul elderde dáýletti otbasylardyń sany tıisinshe 1,5 mln jáne 1,3 mln. qurap otyr.
