Álemde Covid-19 vırýsyn juqtyrǵandar sany 35,8 mln adamǵa jetti
LONDON. BBC - QazAqparat – Eýropada koronavırýs jyldam tarap jatyr.
Seısenbide birden Shyǵys Eýropanyń tórt memleketinde, sonyń ishinde Ýkraınada koronavrýs juqtyrý jaǵdaılarynyń rekordtyq sany tirkeldi. Parıjde qarqyndy terapııa palatalarynda bos oryndar sany az, al Shotlandııa men Belgııada pabtar jabylýda, dep habarlaıdy QazAqparat VVS agenttigine silteme jasap.
Djons Hopkıns ýnıversıtetiniń málimeti boıynsha álemde Covid-19 juqtyrǵandar sany 35,8 mln adamǵa jetti, mıllıonnan astamy kóz jumdy. Pandemııa ýaqytynda 25 mln-nan astam patsıent saýyǵyp shyqty.
Aýrýdyń taralýy boıynsha AQSh kósh bastap tur. Munda 7,5 mln adamǵa koronavırýs dıagnozy qoıylǵan.
Ýkraına, Chehııa, Polsha jáne Bolgarııada Covid-19 vırýsyna shaldyǵýdyń jańa jaǵdaılarynyń kún saıynǵy rekordy jańardy. Bıylǵy jyldyń kóktemi men jazynyń basynda, osy tórt memleket qatań karantın sharalaryn jarııalady jáne olardaǵy jaǵdaı salystyrmaly túrde qolaıly boldy. Alaıda, qazir ınfektsııa jańa qarqynmen tarala bastady.
Ýkraınanyń Densaýlyq saqtaý mınıstrligi ótken táýlikte elde Covid-19 juqtyrýdyń 4753 jańa jaǵdaıy tirkelgenin jáne qazirgi ýaqytta koronavırýspen aýyratyndardyń jalpy sany 128,7 myń adamdy quraıtynyn habarlady. Sonymen qatar, pandemııa kezinde Ýkraınada koronavırýstyń 239,3 myń rastalǵan jaǵdaıy tirkeldi, 4,6 myń naýqas qaıtys boldy.
Chehııa bir táýlikte koronavırýsqa shaldyǵýdyń 4457 jańa jaǵdaıy tirkelgenin habarlady.
Polshada 303 adam aýyrǵan, 75 naýqas kóz jumǵan. Ólim jaǵdaılary boıynsha aldyńǵy rekord dúısenbi kúni ornaǵan edi. Ol kezde 58 adam qaıtys bolǵan.
Bolgarııada aýrý juqtyrýdyń 46 jańa jaǵdaıy jáne segiz ólim oqıǵasy tirkeldi.
Seısenbiden bastap Parıjde kúsheıtilgen karantındik sharalar qoldanyla bastady. Frantsııa astanasyndaǵy barlyq barlar, basseınder men sport zaldary jabyldy (buǵan deıin Marselde osyndaı sharalar engizilgen). Alaıda, sársenbide bılik Parıj mańyndaǵy Il-de-Frans aımaǵynda reanımatsııa bólimshelerinde Covid-19 juqtyrǵan 449 patsıent bar dep habarlady. Osylaısha ıntensıvti terapııanyń jergilikti palatalaryndaǵy barlyq orynnyń 40%-y toldy.
Shotlandııa bıligi Ulybrıtanııanyń osy bóliginiń ortalyq aımaqtaryndaǵy epıdemıologııalyq jaǵdaıdyń nasharlaýyna baılanysty barlyq pabtar men meıramhanalar jabylatynyn málimdedi.
Juma kúninen bastap qoldanylatyn shekteýler Shotlandııanyń eń kóp qonystanǵan aımaqtaryna, sonyń ishinde Edınbýrg pen Glazgoǵa da qatysty bolmaq.
