Álemde COVID-19 vırýsyn juqtyrǵandar sany 1,3 mıllıonnan asty
ANKARA. QazAqparat - Johns Hopkins University derekterine sáıkes, dúısenbi kúni COVID-19 vırýsyn juqtyrǵandar sany álemde 1,3 mıllıonnan asty. Rastalǵan jaǵdaılardyń jalpy sany 1 309 43 oqıǵaǵa jetti, dep habarlaıdy QazAqparat Anadoly agenttigine silteme jasap.
COVID-19 vırýsy alǵash ret Qytaıdyń Ýhan qalasynan ótken jyldyń jeltoqsan aıynda tabylǵan bolatyn. Sońǵy málimet boıynsha vırýs 184 el men aýmaqqa taralǵan. Qaýipti vırýstan kóz jumǵandar sany 72 600 adamǵa jetken, 273 500 adam jazylyp shyqqan.
Italııa, Ispanııa jáne Frantsııa – koronavırýstan eń kóp zardap shekken elder. Aýrý juqtyrǵandardyń eń kóp sany – AQSh-ta 350 myń adam. Elde 10 300-den astam adam ólimi tirkeldi.
Ispanııada koronavırýs juqtyrǵan 135 myńnan astam jaǵdaı rastaldy. Italııada vırýs juqtyrǵandardyń jalpy sany – 132 500 adam. Italııa koronavırýstan kóz jumǵandar sany boıynsha kósh bastap tur. Elde vırýs 16 523 adamnyń ómirin qısa, al Ispanııada qaıtys bolǵandar sany – 13 169 adam.
Frantsııada 8 093 adam COVID-19 koronavırýsynyń jańa túrinen kóz jumǵan.
Jańa koronavırýs alǵash tabylǵan Qytaıda aýrý juqtyrǵandar sany 82 665 jaǵdaıǵa jetti. Elde 3 335 adam vırýstan qaıtys bolǵan.
