Álemde bosqyndar sany artyp otyr
ASTANA. QazAqparat - BUU-nyń bosqyndar isi jónindegi Joǵary komıssarynyń basqarmasy ótken jyly damyǵan elderge 600 myń bosqynnyń qonys aýdarǵandyǵyn jarııa etti.
Bul buǵan deıingi kezeń nátıjesinen 28 paıyzǵa artyq ári sońǵy 10 jyldaǵy eń joǵary kórsetkish bolyp otyr, dep habarlady Bı-Bı-Sı.
Taratylǵan aqparatqa qaraǵanda, sońǵy ýaqytta Azamattyq soǵysty bastan keshirip otyrǵan Sırııadan bas saýǵalap qashqandardyń qarasy mol. Máselen, ótken jyly Eýropadan panalatýdy suraǵan sırııalyqtardyń sany 56 myńǵa jetken. Bul 2012 jylǵy kórsetkishten 2 esege artyq.
Emıgranttar sany boıynsha ekinshi orynda Reseı, úshinshi orynda Aýǵanstan tur. BUU derekterine qaraǵanda, Reseıden adamdardyń basqa elderge qonys aýdarýyna Soltústik Kavkazdaǵy qıyn ahýal basty sebep bolýda.
