Álemde bolyp jatqan janjaldar saıası dıalog arqyly ǵana sheshilýi tıis- QR Prezıdenti
«Azııa, Afrıka, Taıaý Shyǵys jáne ózge de «Janjal núktesindegi» qaqtyǵystardy tek saıası jolmen ǵana retteý qajettigi týraly múltiksiz ustanymdamyz. Qazaqstan Aýǵanstannyń ekonomıkalyq turaqtylyǵy men qaýipsiz damýyna múddeli. Bul turǵyda kóptegen jyldar boıy Kabýlǵa qarjylaı járdem kórsetip kelemiz. Astanada sırııaaralyq kelissózderdi qabyldaýshy tarap retinde Qazaqstan Sırııadaǵy protsesterdiń rettelýin jiti qadaǵalap otyr. Qysqa ǵana ýaqyttyń ishinde Reseı, Túrkııa jáne Irannyń belsendi qoldaýymen Astana kelissózder protsesi ózin Sırııadaǵy jalpyqamtymdy beıbitshilikke qol jetkizý jolyndaǵy tıimdi qural retinde kórsete bildi», - dedi Nursultan Nazarbaev.
Elbasy Qazaqstan Koreı túbeginiń ıadrosyz óńir mártebesine qol jetkizýi tek qana beıbit jolmen júrý tıistigin jaqtaıtyndyǵyn basa aıtty. Sonymen qatar Irannyń ıadrolyq baǵdarlamasy boıynsha kelisimge kelýge de elimizdiń qomaqty úles qosqanyn atap ótti.
«Sondyqtan da biz is-qımyldyń birlesken jalpyqamtymdy josparynyń odan ary múltiksiz oryndalýynyń saqtalýyn túbegeıli ustanamyz», - dedi Qazaqstan Prezıdenti
Sonymen qatar Memleket basshysy elimiz uıymnyń barlyq memleketterimen senimdi, dostyq pen tatý kórshilikti nyǵaıtýǵa umtylatynyn, ShYU hartııasy ustanymdaryn nyq qoldaıtyndyǵyn basa aıtty.
Elbasynyń paıymynsha, osy jyldardyń ishinde Shanhaı rýhy ShYU-nyń tıimdi qyzmetiniń biregeı kózine aınalyp keldi.
«QHR-diń tabysty tóraǵalyǵy bul irgeli faktordy odan ary nyǵaıta tústi. Uıymymyz barlyq halyqtarymyz ben memleketterimizdiń ıgiligi úshin odan ary nyǵaıa túsedi dep úmit artamyz. Sóz sońynda Qyrǵyzstanǵa da bolashaqtaǵy tóraǵalyǵy barysynda osynaý laýazymda dál osyndaı jemisti jumystar tileımin»,- dedi Elbasy.
Munan bólek, otyrysta Nursultan Nazarbaev ShYU-nyń strategııalyq basymdyǵyn atap, jańa tehnologııalar boıynsha tájirıbe almasatyn alań qurýdy usyndy.
Aıta keteıik, otyrysqa Qazaqstan Prezıdenti Nursultan Nazarbaev, Reseı Prezıdenti Vladımır Pýtın, Qyrǵyz Prezıdenti Sooronbaı Jeenbekov, Pákistan Prezıdenti Mamnýn Hýseın, Tájikstan Prezıdenti Emomalı Rahmon, Ózbekstan Prezıdenti Shavkat Mırzıeev, Úndistan Premer-Mınıstri Narendra Modı, ShYU-ǵy baıqaýshy mártebesi bar Aýǵanstan Prezıdenti Ashraf Ǵanı, Belarýs Prezıdenti Aleksandr Lýkashenko, Iran Prezıdenti Hasan Roýhanı jáne Mońǵolııa prezıdenti Haltmaagıın Battýla jáne birqatar halyqaralyq uıymnyń basshylary qatysýda.
Keńeıtilgen quramdaǵy otyrystan keıin sammıttiń basty qujaty Tsındao deklaratsııasy qabyldanyp, 20-dan astam qujatqa qol qoıylmaq. Onyń 17-sin Memleket basshylary rásimdeıdi.
