Álemde birneshe adam ǵana oqı alatyn arabsha qujat qalypqa keltirildi
ASTANA. QazAqparat - Kordova ýnıversıtetiniń professory, arabtanýshy-fılolog Hýan Pedro Monferre XV-XVI ǵǵ. shyqqan medıtsınalyq kodekstiń 1 betin qalypqa keltirdi, dep habarlady www.24.kz.
Bir qyzyǵy, onda jazylǵan sırııalyq arameı tiliniń áripterin tanyp, oqıtyn adamdar sany búkil álem boıynsha saýsaqpen ǵana sanarlyq eken. Bul qujat azamat soǵysy sharpyǵan Sırııa jerinde tonalǵan joǵary mádenı muraǵattyń sarqynshaǵy, dep atap kórsetti espanarusa.com. Al bul kodekstiń qalaı qolyna tıgendigine toqtalǵan ǵalym «qoljazbany bir tanysynan alǵandyǵyn, biraq ol tanysqa qujat jetem degenshe de birneshe qoldan ótkendigin» aıtty.
Ǵalym qyrǵyn soǵysqa tap kelgen Sırııa men Irak jerindegi jaǵdaıdy paıdalanǵan tonaýshylar baǵa jetkizsiz qundy tarıhı jádigerlerdi tıynǵa satyp alyp, syrtqa shyǵaryp, óte qymbatqa ótkizip jatqandyǵyna qynjylady. Hýan Pedro Monferre ózi aýdarǵan arab tilindegi mátindi murajaıǵa qoıyp, adamzat ıgiligine jaratýdy surady.
