Álemde bir táýlikte koronavırýs juqtyrǵandardyń eń joǵary kórsetkishi tirkeldi - 3,7 mln astam adam

JENEVA. QazAqparat – Sońǵy 24 saǵatta álemde koronavırýs juqtyrǵan 3,7 mln astam adam tirkeldi. Bul – pandemııa bastalǵaly tirkelgen eń joǵary táýliktik kórsetkish. Málimetterdi beısenbi kúni Dúnıejúzilik densaýlyq saqtaý uıymy (DDSU) jarııalady, dep habarlaıdy QazAqparat.

20 qańtar kúni DDSU-ǵa ınfektsııa juqtyrǵan 336 790 193 adam jáne pandemııa bastalǵaly qaıtys bolǵan 5 560 718 adam týraly málimet kelip túsken. Іndet juqtyrýdyń jańa sany táýlik ishinde 3 777 104-ke, al odan qaıtys bolý oqıǵalary – 8 741-ge artqan.

Buǵan deıingi antırekord 12 qańtarda ornatylǵan bolatyn: ol kezde DDSU-ǵa 24 saǵattyń ishinde aýrý juqtyrǵan 3 525 914 adam týraly málimet kelip tústi. DDSU statıstıkasy memleketterdiń qaýipti vırýsty juqtyryp alǵandar men odan qaıtys bolǵandar týraly tek resmı rastalǵan málimetterdi esepke alady. Aýrý juqtyrý oqıǵalary 17 qańtarda 325 mıllıon, 8 qańtarda 300 mıllıon, 9 qarashada 250 mıllıon, 5 tamyzda 200 mıllıonǵa jetti.

Uıymǵa rastalǵan oqıǵalardyń eń kóp sanynyń tirkelýi týraly aqparat AQSh-tan kelip túsken. Onda 67 437 353 jaǵdaı rastaldy. Odan keıin tizimde Úndistan (38 218 773), Brazılııa (23 211 894), Ulybrıtanııa (15 506 754) jáne Frantsııa (14 779 277) tur. Vırýstan bolǵan eń kóp ólim sany AQSh-ta – 849 276, ekinshi orynda Brazılııa (621 517), úshinshi – Úndistan (487 693). Odan keıin tizimde Reseı (324 060) jáne Meksıka (301 789) tur.