Álemde bir mıllıard adam kedeıshilikte ómir súrip jatyr

ASTANA. QazAqparat - Búgin Astanada L.N.Gýmılev atyndaǵy EUÝ-de ótip jatqan «BUU jáne ıÝNESKO: Jasampazdyqtyń 70 jyldyǵy» halyqaralyq ǵylymı-tájirıbelik konferentsııada Senat Tóraǵasy Qasym-Jomart Toqaev álemdegi sheshimin tappaı otyrǵan ózekti máselelerge toqtaldy.

«Búginde Jerdegi halyqtyń 80 paıyzynda azyq-túlik, jumys jetkiliksiz jáne ómir súrý úshin qalypty jaǵdaılarǵa muqtaj. BUU málimetteri boıynsha 2014 jyly álemdegi jumyssyzdar sany 203 mln. adamnan asyp tústi. 10 jyldan keıin bul kórsetkish aıtarlyqtaı artyp, 230 mln. adamǵa jetýi múmkin. Jumys istegenimen, kúnine 2 dollardan kem tabys tabatyndardyń sany 840 mln. adamdy qurady. Osy oraıda bizdiń ǵalamsharda 1 mlrd. adam jumys istemeıdi dep aıtýǵa bolady, ıaǵnı olar kedeıshilikte ómir súrip jatyr», - dedi Senat Tóraǵasy. Onyń sózine qaraǵanda, álemde sońǵy on jyldyqta ashyqqan adamdar 125 mıllıonǵa azaıǵanymen, bul kórsetkish áli de joǵary bolyp otyr. 795 mln. adam toıyp tamaq ishe almaı otyr. Budan bólek, ol álemdegi lańkestik pen esirtki saýdasyna tıisti deńgeıde tosqaýyl qoıylmaı otyrǵandyǵyna alańdaýshylyq bildirdi. Sonymen qatar BUU derekterine qaraǵanda, qazirgi kezde 750 mıllıonnan astam adam taza aýyz sýǵa qol jetkize almaı otyr. «2014 jyly bosqyndar sany 60 mıllıonǵa jetti, mıgranttardyń jalpy sany 230 mıllıonnan asyp tústi. 2005 jyldan 2014 jyl aralyǵynda álemde 3 400 stıhııalyq apat oryn alyp, onda 750 myń adamnyń ómiri qıyldy», - dedi ol.