Álemde avtokólikterge kıbershabýyl jıilegen
NUR-SULTAN. QazAqparat - 2019 jyly álem boıynsha avtokólikterge 150 kıbershabýyl jasalǵan. Bul 2018 jylmen salystyrǵanda eki ese kóp, dep jazady QazAqparat AFP agenttigine silteme jasap.
«Jańa avtokólikter hakerlerdiń qurbanyna aınala bastady. Munyń sebebi - qazirgi tańda avtokólik qozǵalatyn mobıldi kompıýterge aınalyp bara jatyr. Al kıbershabýyl múmkindiginiń artýy jol qozǵalysyna qaýip tóndiredi», dep jazady basylym.
Izraıldiń GuardKnox kıberqaýipsizdik kompanııasy osy aptada Las Vegasta ótken Consumer Electronics kórmesinde jańa avtokólikterde ornalasqan kompıýter chıpterin, mobıldi tehnologııalar men datchıkterdi hakerler basqa maqsatta paıdalana alatynyn aıtty.
Avtokólikterdiń kıberqaýipsizdigi boıynsha keńes músheleri de qazirgi tańda avtokólik qurastyrý salasynda kıberqaýipsizdikti basa nazarǵa alý kerektigin aıtady.
«Búgingi tańda avtokóliktiń ár detali kıberqaýipsizdikti eskere otyryp jasalýy tıis. Mysaly, belgili bir avtokólik modelin bir mezgilde qashyqtyqtan toqtatýdyń ózi úlken apatqa aınalýy múmkin» deıdi olar.
