Álemde árbir 35-shi turǵyn ımmıgrant bolyp tabylady - Halyqaralyq kóshi-qon kúni
ALMATY. 18 jeltoqsan. QazAqparat /Erbol Turymbetov/ - 2000 jyly BUU-nyń Bas Assambleıasy Halyqaralyq kóshi-qon kúnin bekitken bolatyn.
Al 1990 jyldyń 18 jeltoqsanynda barlyq eńbek etip júrgen oralmandardy jáne olardyń otbasyn qorǵaý týraly halyqaralyq konventsııa qabyldandy.
Halyqaralyq bosqyndar kúnin bekitý sońǵy jyldarǵy álemde kóship-qonýshylar sanynyń aıtarlyqtaı ósýine baılanysty bolyp otyr.
Assambleıa, sonymen birge, adam quqyqtary men kóship-qonýshylar erkine qatysty álde de qararlar qabyldaý qajettiligin atap ótken edi.
Halyqaralyq kóshi-qon kúni kóptegen elderde, úkimetaralyq jáne ÚEU-darda adam quqyqtary men kóship-qonýshylar erki týraly aqparat taratý maqsatynda atalyp ótiledi.
Mamandardyń baǵalaýy boıynsha, jer sharyndaǵy árbir 35-shi turǵyn óz elinen tysqary jerde ómir súrip, ne eńbek etip júrgen ımmıgrant bolyp tabylady eken.
