Álemde ár altynshy adam bedeýliktiń zardabyn tartyp otyr - DDU
ASTANA.QazAqparat - Dúnıejúzilik densaýlyq saqtaý uıymynyń (DDU) keshe jarııalaǵan jańa esebine sensek, bedeýlikke tap bolǵan adamdardyń sany óte kóp. Bedeýlikten eresek adamdardyń shamamen 17,5%, ıaǵnı álemdegi árbir altynshy adam zardap shegedi, dep habarlaıdy QazAqparat uıymnyń jańalyqtar qyzmetine silteme jasap.
Jańa derekter álemniń ártúrli aımaqtarynda bedeýliktiń taralý kórsetkishinde aıtarlyqtaı aıyrmashylyq joqtyǵyn kórsetti.
Tabysy joǵary, ortasha jáne tómen elderde kórsetkish uqsas, bul bedeýliktiń barlyq elder men barlyq aımaqtar úshin medıtsınanyń mańyzdy problemasy ekenin bildiredi.
Problemanyń aýqymyna qaramastan, bedeýliktiń aldyn alý, dıagnostıkalaý jáne emdeý ádisteri, sonyń ishinde ekstrakorporaldy uryqtandyrý (EKU) sııaqty kómekshi reprodýktıvti tehnologııalar joǵary baǵaǵa, oǵan qatysty áleýmettik stıgmaǵa baılanysty jetkiliksiz qarjylandyrylǵan jáne kóp adam úshin qoljetimdi emes.
Qazirgi ýaqytta kóp elderde bedeýlikti emdeý adamdardyń óz qarajaty esebinen jasalady, bul - aıtarlyqtaı shyǵyn.
Aýqatty elderdiń turǵyndarymen salystyrǵanda, kedeı memleketterdiń halqy bedeýlikti emdeýge tabysynyń edáýir bóligin jumsaıdy.
Mundaı qomaqty shyǵyndy kóterý qajettigi emdelýge múmkindik bermeıdi nemese kerisinshe, medıtsınalyq kómekke júginý nátıjesinde olardy kedeılikke dýshar etedi.
