Álemde allergııany týdyrýy múmkin 7 myńnan astam gúl men 10 myńnan astam ósimdik bar
Departament ókilderi málim etkendeı, úı ósimdikteri, satyp alynǵan gúlshoqtary jáne basqa da gúlder allergııamen aýyratyndar úshin qaýipti. Sonymen birge, ósimdik shyryny, ósimdikterdegi efır maılary, jabyq ósimdikterge kútim jasaý kezinde qoldanylatyn tyńaıtqyshtar men quraldar, gúl shoqtaryn bezendirý úshin qoldanylatyn topyraq, gúlderge jınalatyn shań reaktsııalar týdyrýy múmkin.
Satyp alynǵan gúlderge qatysty allergııa kóbinese bólmede hosh ıispen birge bólmege taralatyn tozańda qalyptasady. Satyp alynǵan gúlderge allergııa tynys alý júıesiniń zaqymdanýy retinde damıdy. ıAǵnı, allergender adamnyń tynys alý júıesi men kózdiń shyryshty qabyǵynyń ártúrli aımaqtaryna áser etedi. Osyǵan sáıkes, kózdiń jasarýy, kózdiń qyzarýy, keıbir jaǵdaılarda allergııalyq konıýktıvıt damıdy, kózdiń qyzarýy, uıqydan soń qyrtystar paıda bolyp, kózdiń ashylýyn qıyndatady, kózdiń qyshýy jáne ashýy, murynnyń bitelýi, murynnan sý aǵý, túshkirý, túnde jótel bolýy múmkin, túnde tynys alýdyń qıyndaýy, qabaqtyń isinýi sekildi belgiler paıda bolady. Keıbir jaǵdaılarda ózińdi jaısyz seziný, letargııa, uıqyshyldyq, ashýlanshaqtyq bolýy jáne bas aýyrýy múmkin.
Eger mundaı belgiler úıde ádemi gúl shoǵy nemese úı gúli bar jerde paıda bolyp, kóshede densaýlyq qalypty jaǵdaıǵa kelse, onda allergendi úıden izdeý kerek.
Árıne, uqsas belgiler respıratorlyq ınfektsııalarǵa qatysty da paıda bolýy múmkin, biraq negizgi aıyrmashylyq temperatýranyń bolmaýy.
Ósimdik shyrynymen baılanysta bolǵan kezde esekjem, qyzarý jáne qyshý sekildi bórtpe allergııalyq teri reaktsııalary damýy múmkin. Kvınke isinýi, bronh demikpesi ustamalarynyń damýy sekildi aýyr reaktsııalar da joqqa shyǵarylmaıdy.
Allergııany týdyrýy múmkin 7 myńnan astam gúl men 10 myńnan astam ósimdik bar.
Búgingi tańda pollınozben aýyratyn adamdarǵa arnalǵan kóptegen veb-saıttar men qosymshalar jasaldy, olar ósimdikterdiń gúldený kezeńin kórsetedi jáne allergııa maýsymynyń bastalýy týraly eskertedi.
Eń yqtımal allergenderdiń qataryna mynalar jatady:
- dándi daqyldar, mysaly, jońyshqa, qara bıdaı jáne bıdaı. Tirkesken reaktsııalardy qalyptastyrý qaýpi bar,
- ambrozııanyń gúldenýi kóbinese kúshti reaktsııalardy týdyrady: murynnyń qatty bitelýi, tynys alýdyń tarylýy, jótel, tunshyǵý ustamasyna deıin,
- kúnbaǵys, túımedaq jáne asterdiń basqa ókilderi tozańmen ǵana emes, sonymen qatar ósimdik shyryndarymen de qaýipti.
Efır maılaryn shyǵaratyn jabyq ósimdikter de qaýipti. Mysaly, geran. Mundaı ósimdikpen baılanysta jóteldiń ustamasy kórinetin kúshti reaktsııa damıdy.
Aıtpaqshy, bul eskertýlerdi allergııadan zardap shegetin adamdar gúl shoǵyn jasaý men perzenthanadan shyǵarý kezinde eskerý qajet. Bosanǵan analarǵa aıqyn jáne kúshti ıisi bar gúlderdi berýge bolmaıdy, sebebi, allergııanyń keıingi damýymen balanyń sensıbılızatsııasynyń (allergııanyń) joǵary yqtımaldyǵy bar.
Álemde allergııamen aýyratyndardyń sany kóbeıýine baılanysty selektsıonerler tozań men hosh ıissiz arnaıy gıpoallergendi gúlderdi shyǵarý boıynsha jumys isteýde. Qazirgi ýaqytta mundaı ósimdikterdiń bir túri bar - bul «kapýchıno» sándik kúnbaǵysy.
Jalpy, kúshti hosh ıisi joq jáne tozańy az ósimdikter qaýipti emes. Oǵan mysal retinde qalampyrdy aıtýǵa bolady.
Kelesi gúl túrleri is júzinde allergııa týdyrmaıdy:
- orhıdeıa;
- buıra raýshandar men qyzǵylt búrshikter;
- býgenvıllııa;
- petýnııa;
- flokster.
Gúl shoǵyn jasaý kezinde onyń áshekeıine nazar aýdarý kerek. Ártúrli masaqtar men qyryqqulaqtardan bas tartqan durys, sebebi, olardyń tozańy allergııa týdyrýy múmkin.
Qorytyndylaı kele, Almaty qalasynyń sanıtarııalyq-epıdemıologııalyq baqylaý departamenti gúlderdi tańdaýǵa asa saqtyqpen qaraýdy usynady. Sebebi, súıiktińizge kóz jasy túrinde allergııa emes, qýanysh syılaǵynyńyz durys.