Álemde alǵash ret adamǵa jasandy júrek salyndy
ASTANA. 24 jeltoqsan. QazAqparat - Teńdessiz operatsııany frantsýz hırýrgtary jasady.
Dárigerler naýqastyń qazirgi háli óte jaqsy dep otyr. Avtonomdy júrekti jasaǵan mamandar tobyn Frantsııa Prezıdentiniń ózi quttyqtady. Hırýrgtar álemdegi jasandy avtonomdy júrekti salatyn tuńǵysh operatsııany Jorj Pompıdý atyndaǵy gospıtalda sársenbiniń sátti kúni jasaǵan. Biraq medıtsınanyń jetistigin endi ǵana jarııalap otyr. Sebebi áliptiń artyn baqqan dárigerler naýqastyń otadan keıingi jaǵdaıynyń qandaı bolatynyn kútken.
Qurylǵynyń salmaǵy shamamen 900 gramdaı. Bul kádimgi júrekten 3 esege aýyr. Al baǵasy 250 myń AQSh dollaryna teń.
Álemde teńdesi joq operatsııa 75 jastaǵy qarııaǵa jasaldy. Dárigerlerdiń aıtýynsha, eger osy operatsııa jasalmaǵanda, bul naýqas 1 aıdan keıin baqılyq bolar edi, dep habarlady 24 kz.
