Álemde AQTQ juqtyrýshylar sanynyń úzdiksiz ósýi saqtalyp otyr - Vladımır Slesarev
ALMATY. Qarashanyń 30-y. QazAqparat /Názıra Eleýhan/ - Búgin 30 qarasha - JQTB-men Dúnıejúzilik kúres kúni. Almatyda osy kúnge arnalǵan «VICh/SPID: memleket saıasaty, aldyn alý sharalary jáne adam quqyǵyn qorǵaý» atty baspasóz máslıhaty bolyp ótti,
dep habarlaıdy QazAqparat.
«Búkil álemde, onyń ishinde Qazaqstanda da, AQTQ juqtyrýshylar sanynyń úzdiksiz ósýi saqtalyp otyr. Ony juqtyrýshylar elimizdiń barlyq aımaqtarynda tirkelgen. Ásirese, Almaty, Pavlodar, Qaraǵandy oblystarynda, Temirtaýda kóp. Qazirgi ýaqytta Astana, Jambyl, Atyraý qalalarynda kóbeıýde. Atyraý qalasynda aýrýdyń kóbeıýýine mıgranttardyń kóptep kelýi sebep bolyp otyr. Sońǵy 10 aıda bul qalada osyndaı 1078 adam tirkeldi. Kórsetkish ótken jylmen salystyrǵanda 235 jaǵdaıǵa azaıyp otyr. Osy aýrýǵa shaldyqqan adamdar úshin arnaıy 329 kabınet jumys isteıdi», dedi Respýblıkalyq JQTB-nyń aldyn alý jáne onymen kúres Ortalyǵynyń bas dırektory Vladımır Slesarev.
Onyń aıtýynsha, búgingi tańda AQTQ juqpasy emdelmeıtin aýrý bolyp tabylady, biraq onyń aldyn alýǵa bolady. «Bul aýrýǵa shaldyqqan adamnyń ımmýndyq júıesiniń jasýshalary buzylady, ol ólim qaýpin týǵyzady. Sondyqtan bizdiń maqsatymyz elimizde AQTQ ınfektsııasy men JQTB-nyń aldyn alý is-sharalaryn iske asyrý, ulttyq jáne aımaqtyq deńgeılerde kúsh-jigerdi biriktirý jolymen indettiń taralýyn turaqtandyrý bolyp tabylady», deıdi V. Slesarev.
Qazaqstan Respýblıkasynda JQTB-men Dúnıejúzilik kúres kúnine oraı, «Jalpyǵa birdeı qoljetimdik jáne adam quqyqtary» uranymen aılyq ótýde. AQTQ/JQTB týraly tegin, óz erkimen jáne qupııa keńes alýǵa qoljetkizý jáne testiden ótý qamtamasyz etiledi, ulttyq baǵdarlamalarda halyqtyń osal toptary arasynda AQTQ ınfektsııasynyń aldyn alýǵa erekshe nazar aýdarylady. Aılyq kóleminde jastardy qaýipsiz tártip daǵdylaryna úıretý, reprodýktıvtik jastaǵy áıelderdi AQTQ-ǵa testileýden ótý qajettigi týraly habardar etý, AQTQ juqtyrǵan jáne JQTB-ne shaldyqqan adamdarǵa qoǵamnyń shydamdylyq kózqarasyn qalyptastyrý boıynsha is-sharalar ótkizilýde.
Bıylǵy qarashanyń 20-da ıAltada TMD Úkimetteri basshylary keńesiniń májilisinde Táýelsiz memleketter dostastyǵyna qatysýshy-elderdiń AQTQ/JQTB-men kúresý jóninde birlesken áreketteriniń Baǵdarlamasy maquldandy. Árbir memlekette is-qımyl baǵdarlamasy ázirlenedi, úılestirý organy, ahýaldyń monıtorıngi men baǵalaý júıesi qurylady dep kútilýde.
