Álemde 76 mıllıonǵa jýyq adam gýmanıtarlyq kómekke zárý
ASTANA. QazAqparat - Álemde shamamen 76 mıllıonǵa jýyq adam gýmanıtarlyq kómekke muqtaj, dep habarlady BELTA BUU jańalyqtar ortalyǵyna silteme jasaı otyryp.
«Bir jyl buryn gýmanıtarlyq kómekke zárý jandardyń sany 52 mıllıon bolatyn. Al bıylǵy jyl sońynda gýmanıtarlyq kómek qajet adamdardyń sany 76 mıllıonǵa jetti», - dep atap ótti gýmanıtarlyq máselelerdi úılestirý boıynsha BUU basqarmasynyń ókili Djon Gıng. Kómekke muqtaj osy jandarǵa qoldaý kórsetý úshin 19 mlrd. dollar qajet - bul ótken jylmen salystyrǵanda 6 mlrd. dollarǵa kóp.
Gýmanıtarlyq uıymdar 2015 jyly aıtarlyqtaı qıyndyqtarǵa tap bolady. Gıngtiń aıtýynsha, bul saladaǵy jaǵdaı 2014 jyl boıy nasharlap kelgen jáne bolashaqqa degen boljam da bulyńǵyr.
«Júzdegen myń, mıllıondaǵan adamdar qaqtyǵystar saldarynan qaza bolýda, ondaǵan mıllıon adam adam tózgisiz jańdaılarda ómir súrip jatyr», - dedi Gıng. Ol qaqtyǵystar saldarynan zardap shekken adamdar kómek kútip otyrǵanyn aıtyp, halyqaralyq qaýymdastyqty bolashaqqa senimmen qarap, daǵdarystardy retteýdiń saıası joldaryn tabýǵa umtylýǵa shaqyrdy.
