Álemde 750 mln adam oqı da, jaza da almaıdy
ASTANA. QazAqparat - Sońǵy 50 jylda qol jetkizilgen órkenıettegi jetistikterge qaramastan, Jer shary turǵyndarynyń saýatsyzdyq deńgeıi tómen kúıinde qalyp otyr, dep habarlaıdy Anadoly agenttigi.
ıÝNESKO-nyń bergen málimetterine qaraǵanda, álemde 750 mıllıon adam ne oqýdy, ne jazýdy bilmeıdi. Sonyń úshten ekisi - áıelder.
Saýat ashpaǵan adamdardyń 45 paıyzy Ońtústik Azııada ómir súredi. 27 paıyzy «Qara Afrıka» (Sahara shólinen ońtústikke qaraı), 10 paıyzy Shyǵys jáne Ońtústik-Shyǵys Azııa, 9 paıyzy Soltústik Afrıka jáne Batys Azııa, tórt paıyzy Latyn Amerıkasy men Karıb basseıni elderiniń úlesinde.
ıÝNESKO Statıstıka ınstıtýtynyń málimetinshe, sońǵy kezderi saýattylyq deńgeıiniń eń joǵary ósimi Shyǵys jáne Ońtústik Azııa, Soltústik jáne Batys Afrıka elderinde baıqalǵan.
Atap aıtqanda, Ońtústik Azııa turǵyndarynyń saýattylyq deńgeıi 1990-2016 jyldar aralyǵynda 46 paıyzdan 72 paıyzǵa deıin, Soltústik Afrıka men Batys Azııada 64 paıyzdan 81 paıyzǵa deıin kóterilgen.
Shyǵys jáne Ońtústik-Shyǵys Azııada bul kórsetkish burynǵy 82 paıyzdyń ornyna 96 paıyzǵa jetip otyr, al Afrıkanyń Saharadan ońtústikke qaraı ornalasqan elderinde 52 paıyzdan 65 paıyzǵa deıin ósken.
Sonymen qatar sarapshylar erlerge qaraǵanda áıelder arasynda saýatsyzdyq deńgeıiniń joǵary ekendigin atap kórsetedi. Sońǵy derekter boıynsha, saýatsyzdardyń 59 paıyzy - áıelder.
