Álemde 733 mln adam áli kúnge deıin elektr qýatynsyz otyr
NUR-SULTAN. QazAqparat - Álemde 733 mıllıon adam elektr qýatynsyz ómir súrip jatsa, 2,4 mıllıard adam áli kúnge deıin densaýlyq pen qorshaǵan ortaǵa zııan keltiretin otynmen tamaq pisiredi. Bul týraly QazAqparat BUU Jańalyqtary saıtyna silteme jasap habarlaıdy.
COVID-19 pandemııasy elektr qýatyna, taza otynǵa jáne tamaq pisirý tehnologııalaryna jalpyǵa birdeı qoljetimdilikti baıaýlatty, al Ýkraınadaǵy soǵystyń saldary jańa qıyndyqtarǵa ákelýi múmkin.
Jaǵdaı ózgermese, 2030 jylǵa qaraı 670 mıllıon adamnyń áli de elektr jaryǵynsyz qalatyny boljanyp otyr. Bul týraly BUU-nyń qoldaýymen daıyndalǵan baıandamada aıtylǵan. 2022 jylǵa arnalǵan «Energetıka salasyndaǵy progress týraly» jańa esepti BUU agenttikteri men onyń Turaqty damý maqsattarynyń birine kiretin TDO-7 kýrator-agenttikteri ázirledi.
2030 jylǵa qaraı sapa boıynsha zamanaýı standarttarǵa sáıkes keletin energııaǵa ámbebap qoljetimdilikti qamtamasyz etedi. Pandemııanyń áseri, sonyń ishinde dúkenderdiń jabylýy, jahandyq jetkizý tizbeginiń úzilýi jáne azyq-túlik pen janarmaıdyń qoljetimdi baǵasyn ustap turý úshin fıskaldyq resýrstardy qaıta bólý TDO-7-ge jetý qarqynyna áser etti.
Progress ásirese eń osal jáne energetıkada artta qalǵan elderde baıaý júrgen. Buryn elektr qýatyna qol jetkizgen Azııa men Afrıkadaǵy 90 mıllıonǵa jýyq adam budan bylaı energııaǵa degen qajettiligin tóleı almaıdy.
Jalpy Afrıka álemde elektr jabdyǵymen az qamtylǵan el bolyp qalyp otyr. Qurlyqtyń 568 mıllıon turǵyny elektr qýatyna qol jetkize almaıdy. Saharanyń ońtústigindegi Afrıkanyń elektr qýatyna qol jetkize almaıtyn halqynyń úlesi 2018 jylǵy 71 paıyzdan 2020 jyly 77 paıyzǵa deıin ósken.
