Álemde 675 myń adam koronavırýstan kóz jumdy: DDSU tótenshe jaǵdaıdy 3 aıǵa uzartty

NUR-SULTAN. QazAqparat – Dúnıejúzilik densaýlyq saqtaý uıymy tótenshe jaǵdaı rejımin úsh aıǵa uzartty, dep habarlaıdy TASS agenttigi.

Dúnıejúzilik densaýlyq saqtaý uıym komıteti qazirgi jaǵdaıdyń qaýiptiligin eskerip tótenshe jaǵdaı rejımyn úsh aıǵa uzartty.

DDSU bas dırektory Tedrosý Adanomý Gebreıesýs qazirgi vırýstyń taralýy - bul júz jylda bir ret bolatyn, onyń saldary aldaǵy ondaǵan jyldar boıy seziletin daǵdarys ekenin atap ótti.

Onyń sózine qaraǵanda, qazirgi ýaqytta kóp problemalar sheshilgenimen áli de túıindi máseleler jetkilikti.

Densaýlyq saqtaý uıymynyń resmı saıty taratqan sońǵy málimetke qaraǵanda, koronavırýsty álemde 17 396 943 adam juqtyryp, odan 675 060 naýqas kóz jumdy.