Álemde 283 mln adam maskúnemdikten zardap shegip otyr
ASTANA. QazAqparat - Qazirgi tańda álemde 283 mln adam maskúnemdikten zardap shekse, 2,3 mlrd adam spırttik ishimdikterdi paıdalanýda. Bul týraly Dúnıejúzilik densaýlyq saqtaý uıymynyń (DDSU) boljamynda aıtylǵan, dep habarlaıdy QazAqparat.
«Qazirgi úrdis pen boljamdardy esepke alsaq, aldaǵy 10 jylda alkogoldi tutynýdyń jahandyq kórsetkishi jan basyna shaqqanda kóteriledi, ásirese Ońtústik-Shyǵys Azııa, Tynyq muhıtynyń batys bóligi men Amerıka elderinde», - dep habarlady DDSU.
Zertteýler kórsetkendeı, jahandyq aýqymda 237 mln er adam men 46 mln áıel alkogoldiń saldarynan ishkilik dertine shaldyqqan.
«Qazirgi tańda 15-19 jas aralyǵyndaǵy jastardyń tórtten bir bóligi (27%) alkogol tutynady. 15-19 jas aralyǵyndaǵy jastar arasynda spırttik ishimdik ishýdiń eń joǵary kórsetkishi Eýropada (44%), odan keıin Amerıka elderi (38%) men Tynyq muhıtynyń batys bóligindegi óńirlerde (38%) tirkelip otyr», - dep baıandady DDSU.
