Álemde 2030 jylǵa deıin munaıdy tutyný mólsheri esh kemimeıdi - MGM
«Tas jynysty ken oryndarda gaz óndirý (slantsty gaz) shyndyǵynda da ilgerilgen, aıtarlyqtaı faktor bolyp tabylady. Gazdyń osy túri AQSh-ty ımporttaýshy elden eksporttaýshy elge shyǵardy», - dedi mınıstr S. Myńbaev.
Degenmen, mınıstrdiń aıtýynsha, tas jynysty ken oryndarda gaz óndirý kólemi AQSh-tan basqa elde joǵary emes. Polshanyń ózinde bundaı gaz áleýeti zor bolǵanymen, onyń ózindik erekshelikteri barshylyq. Sondyqtan da, mınıstr S. Myńbaev, aldaǵy 10-jyldyqta gazdyń bulaı óndirý túri birden qarqyn alady degen boljammen kelispeıtinin bildirdi.
«Búgin kóptegen elder, onyń ishinde Qazaqstan da energııanyń jańartylatyn jolyna basymdyq berip otyr. Degenmen, kez kelgen sarapshylardyń 2030 jylǵa deıingi kez-kelgen boljamyn alyp qarasańyz, munaıdy tutyný eshqandaı da kemimeıdi, kerisinshe arta túsedi. Álemdik energetıkalyq teńgerimdiliktegi tutyný boıynsha munaıdyń kemıtin úlesi ary ketse 2 paıyzǵa ǵana kemýi múmkin. Mundaı jaǵdaıda munaı tutyný kórsetkishi esh kemıtinin kútpeımiz, strategııalyq josparǵa sáıkes, mınıstrlik munaı óndirý aýqymyn qysqartýǵa nıetti emes», - dedi S. Myńbaev.