Álemde 2 mıllıard adam semizdikke shaldyqqan
ASTANA. QazAqparat - 1980 jyldan astap álemde buryn tirkelmegen eresekter arasynda da, balalar arasynda da artyq salmaq bolýy nemese semizdikten zardap shegýi baıqalady, dep habarlady medportal.ru.
Ǵalamshardaǵy artyq salmaǵy bar adamdar sany sońǵy 33 jylda 857 mıllıonnan 2,1 mıllard adamǵa deıin ósken. 2012 jylǵy Jer halqynyń densaýlyǵyn zertteý aıasynda alynǵan málimetter osyndaı. Halyqaralyq zertteýshiler tobynyń jumys nátıjeleri The Lancet basylymynda jarııalandy.
Artyq salmaǵy bar 681 mıllıon adamnyń jartysynan astamy álemniń barlyǵy on elinde - Amerıka, Úndistan, Qytaı, RF, Brazılıı, Meksıka, Egıpet, Germanııa, Pákistan jáne Indonezııada turady. . Áıeder arasyndaǵy osy aýrýdyń talralýynyń joǵary qarqyny Egıpette, Saýd Arabııasynda, Omanda, Gondýrasta,jáne Bahreınde, erler arasynda Jańa Zelandııada, Bahreınde, Kýveıtte, Saýd Arabııasy men Amerıkada baıqalǵany atap ótilgen.
Damyǵan elderde semizdikke ushyraǵan adamdar sany Amerıkada baıqalyp otyr, munda eresek halyqtyń shamamen úshten biri osyndaı aýrýǵa tap bolǵan.
Zertteý avtorlary halyqtyń densaýlyǵyna keleńsiz yqpal etetin jáne ornyqty úrdiske aınalǵan semizdiktiń ósýi álemdik aýqymdaǵy jahandyq problemaǵa aınalyp kele jatqanyn atap ótedi.. Sońǵy 33 jylda bul syrqattyń beleń alýyna qarsy kúres birde-bir elde ońdy nátıje bermegen.
Osyǵan baılanysty Oksford ýnıversıtetiniń professory Klım Makferson halyqtar arasyndaǵy osy aýrýdyń taralýyn toqtatý kóp jaǵdaıda saıası jáne ekonomıkalyq miándettermen ushtasyp jatqanyn atap ótedi. Eger semizdk indetimen kúresý maqsatynda adamnyń alǵashqy tutyný qajettigi men tamaq ónimderiniń qoljetimdigi arasyndaǵy tepe-eńdikti qalpyna keltirse, bul mindetti túrde tamaq ónerkásibinde óndiris kóleminiń tómendeýine jáne sonyń nátıesi retinde ekonomıkalyq ósim toqtaýyna ákep soǵady degen pikir aıtady.
