Álemde 1,7 mln-ǵa jýyq adam «eriksiz shylym shegýdiń» qurbany boldy
ASTANA. KAZINFORM – 2023 jyly álemde 2,7 mlrd-tan astam adam «eriksiz shylym shegýge» májbúr bolyp, sonyń zardabynan shamamen 1,7 mln adam kóz jumdy. Bul týraly Kazinform Anadolu agenttigine silteme jasap habarlaıdy.
«The Lancet» jýrnalynda jarııalanǵan zertteýde álemniń 204 eli men óńirinde «eriksiz shylym shegýdiń» taralýy jáne onyń adam densaýlyǵyna tıgizetin áseri taldandy.
Bul keleńsiz jaıttyń zardabyn tartqandardyń tórtten birinen astamy – qorǵansyz balalar. 2023 jyly olardyń sany shamamen 767 mln adamǵa jetken.
Balalar arasyndaǵy ólim-jitimniń negizgi sebebi tómengi tynys joldarynyń ınfektsııalary bolsa, eresekterde júrektiń ıshemııalyq aýrýy basym bolǵan.
Zertteý nátıjesine sáıkes, «eriksiz shylym shegýdiń», ıaǵnı ózge adam shekken temekiniń tútinin jutýǵa májbúr bolýdyń zardaby áli de adam densaýlyǵyna qaýipti. Osyǵan baılanysty, ásirese, áıelder men balalardy qorǵaý úshin temekige qarsy is-sharalardy kúsheıtý qajet ekeni aıtyldy.
Buǵan deıin Qazaqstanda temeki baǵasynyń qymbattaǵany jazylǵan bolatyn.
Aqnıet Jıenalına
