Álemdi jaıaý aralaý: 76 jastaǵy ulytaýlyq saıahatshy marapattaldy
ASTANA. KAZINFORM — QR Týrızm jáne sport mınıstriniń orynbasary Serik Jarasbaev kórnekti jıhankez, týrızm salasynyń úzdigi Sársenbaı Qotyrashovqa «Qurmetti sport qyzmetkeri» ataǵyn tabystady. Bul týraly vedomstvonyń baspasóz qyzmeti habarlady.
Tájirıbeli saıahatshy Sársenbaı Qotyrashov 2022 jyly 72 jasynda Qazaqstannyń 17 oblysyn jaıaý aralap, 8 myń shaqyrym joldy júrip ótken. Osy jetistigi úshin otandyq KInES rekordtar kitabyna endi.
Ol keıingi jyldary da halyqaralyq deńgeıdegi jaıaý saıahattaryn jalǵastyryp keledi. 2023 jyly Atyraýdan jolǵa shyǵyp, Kavkaz óńiri men Grýzııa arqyly Túrkııanyń Stambýl qalasyna jetti. Al 2024 jyly Óskemennen bastap Altaı, Mońǵolııa arqyly Qytaı astanasy Beıjińge deıin bardy.
2026 jylǵy 3 naýryzda bastalǵan kezekti sapary aıasynda 76 jastaǵy jıhankez Serbııa, Majarstan, Aýstrııa, Germanııa jáne Frantsııa elderin jaıaý júrip ótip, jýyrda ǵana elge oraldy.
Marapat ıesiniń ómir joly men tabandylyǵy — otandyq týrızmdi damytýǵa jáne salaýatty ómir saltyn nasıhattaýǵa úlgi.
Aıta keteıik, 76 jastaǵy qazaqstandyq saıahatshy osydan úsh kún buryn 3 myń shaqyrym jol júrip, Parıjge jetken bolatyn.
