Álem juldyzdary Astanada ótken Qysqy qaıyrymdylyq balyn qoldady
Dımash Qudaıbergen, Gennadıı Golovkın, Elena Rybakına jáne Fernando Alonso men Rafael Nadal Astanada ótken Qysqy qaıyrymdylyq balyn qoldady, dep habarlaıdy Kazinform.
Inklıýzıvti bilim berýdi jáne daryndy jastardy qoldaý retinde Dımash Qudaıbergenniń kontserttik kıimi, Gennadıı Golovkınnyń qoltańbasy qoıylǵan qolǵap, tennısshi Elena Rybakınanyń qoltańbasy qoıylǵan raketka, «Real Madrıd», «Barselona» fýtbol klýbtary oıynshylarynyń qoltańbalary qoıylǵan fýtbolkalar, ıspan shabandozy Fernando Alonsonyń qoltańbasy qoıylǵan beısbolka, álemniń eks birinshi raketkasy Rafael Nadaldiń qoltańbasy qoıylǵan fýtbolka XIV Qysqy qaıyrymdylyq balynyń aýktsıonynda satyldy.
Elordada ótken XIV Qysqy qaıyrymdylyq balynda 90 mln teńgeden astam qarajat jınaldy. Іs-sharany jyl saıyn «Bolashaq» korporatıvtik qory ótkizedi. Túsken qarajat qordyń «Ár bala mektepke barýǵa laıyqty» jáne «Jol júrý granttary» áleýmettik jobalaryna baǵyttalady.
11 jyl ishinde qaıyrymdylyq baldary arqasynda 800 mıllıon teńgeden astam qarajat jınaldy. Jınalǵan qarajatqa «Bolashaq» qory 80-nen astam mamandandyrylǵan ońaltý mekemesin, onyń ishinde Qazaqstannyń 22 qalasynda 56 ınklıýzııany qoldaý kabınetin ashyp, jaraqtandyrdy. Inklıýzııa salasynda 500-den astam jumys orny quryldy. 3 500-nan astam maman men ata-ana ınklıýzıvti bilim berý jáne minez-qulyqty qoldanbaly taldaý boıynsha oqýdan ótti. Az qamtylǵan otbasylardan shyqqan balalarǵa jáne erekshe qajettiligi bar adamdarǵa 107 jol júrý jáne 17 bilim berý granty berildi.
Erekshe balalardyń quqyqtaryn júzege asyrý úshin «Bolashaq» qory ınklıýzıvti bilim berýdi damytý bóliginde QR zańnamalyq aktilerine 80-nen astam sapaly usynymdar men túzetýler engizdi.
- Ótken jyly biz 10 balabaqsha men mektepte ınklıýzııany qoldaý kabınetterin ashtyq, aýtızm, Daýn sındromy bar balalarǵa arnalǵan fýtboldan ınklıýzıvti sektsııany iske qostyq, erekshe balalardyń ata-analaryna psıhologııalyq qoldaý kórsetý boıynsha «OI SANA» jobasyn iske qostyq, taǵy 500-ge jýyq mektep, kolledj, balabaqsha dırektorlaryn, mamandar men ata-analardy oqyttyq.
2015 jyly biz ınklıýzııany qoldaý kabınetteriniń modelin ázirledik, al qazir bizdiń modelimiz 700-den astam bilim berý uıymdarynda memlekettik bilim berý júıesine engizildi. Bir kezderi bizdiń jobaǵa kelgen kishkentaı balapandar, mine qazir 9-synypty bitireıin dep jatyr. Sondyqtan da búginde biz aýtızm jáne damýynda basqa da erekshelikteri bar balalardyń qarapaıym kásipterdi oqyp úırenýi úshin ınklıýzııa salasyndaǵy basqa qorlarmen birge belsendi jumys júrgizip kelemiz.
Búgingi meıirimdilik pen sulýlyq merekesin jasaýǵa kómektesken demeýshilerimiz ben seriktesterimizge alǵys aıtqym keledi. Baldyń aýktsıonyna lottar usynǵandary úshin Dımash Qudaıbergenge jáne Ispanııa Koroldiginiń Elshisi Horhe Ýrbıola Lopes de Montenegroǵa erekshe alǵys bildirgim kelip tur, - dedi «Bolashaq» qorynyń Qamqorshylyq keńesiniń tóraǵasy Dınara Gaplan.
Jyldan jylǵa kóptegen kompanııalar ózderiniń áleýmettik jaýapkershiligin tanytyp, baldy uıymdastyrýǵa qoldaý kórsetedi. Osy jyldar ishinde baldy ótkizýge 164-ten astam demeýshi men seriktes qosyldy.
XIV Qysqy qaıyrymdylyq balyn uıymdastyrý «Nurbank» AQ, «Caspian Integrated Services», «Borkit International Ltd» kompanııalarynyń, «Almaty halyqaralyq áýejaıy» AQ, «Allur auto» kompanııalar toby, sondaı-aq «Hilton Astana», «A-Event KZ» jáne «MYD Production» kompanııalarynyń demeýshilik qoldaýymen ótti.
Biregeı lottar: sporttyq atrıbýtıka jáne óner nysandary qoıylǵan aýktsıon baldyń sharyqtaý shegine aınaldy. Sondaı-aq kesh qonaqtaryn qor seriktesterinen baǵaly syılyqtar utys oıyny da qýantty.
30 jup debıýtanttyń jarqyn óner kórsetýi bal qonaqtarynyń kóńilderin shat etti. Qysqy qaıyrymdylyq baldaryn qoıýshy-horeograf, Qazaq ulttyq horeografııa akademııasynyń horeografııa fakýlteti dekanynyń orynbasary, «Zvezdnye tantsy Kazahstan» televızııa jobasynyń qatysýshysy, «Táýelsizdik urpaqtary» jobasynyń jeńimpazy Evgenıı Moıseevpen birge mamandyqtary ár túrli jastar birneshe aı boıy bar yqylasyn salyp jattyqty. Keshtiń hedlaınerleri – tanymal ónerpazdar Qazybek Quraıysh pen Qanay boldy.
Barlyq jınalǵan qarajat «Bolashaq» qorynyń aýtızm jáne basqa mentaldyq buzýshylyqtary bar adamdardy elimizdiń kolledjderinde kásibı-tehnıkalyq oqytý boıynsha synamaly jobalaryn iske qosýǵa, fýtboldan jáne shahmattan ınklıýzıvti sektsııalaryn ashýǵa, elimizdiń balabaqshalarynda ınklıýzııany damytýǵa, mentaldyq densaýlyq boıynsha «Oi SANA» jobasyn júzege asyrýǵa, sondaı-aq álemdik birinshilikterge qatysý úshin daryndy jastarǵa jol júrý granttaryn berýge baǵyttalady.
Qaıyrymdylyq qarajatyn paıdalanýdyń ashyqtyǵyn saqtaý maqsatynda qordyń bolashakcharity.kz saıtynda qarjylyq esepter jarııalanady.
Baldyń seriktesteri: «Air Astana» áýekompanııasy, «Red Panda» baspasy, «The Sun», Evrika kompanııalary, Astana qalasynyń ákimdigi, Turkish Airlines, Ispanııa Koroldigiń Hatshylyǵy, «Bekesh textile» matalar úıi, Astana q. Halyqaralyq mektebi, Klınıka Doktora Safı, «Good Project», «Doctor Dent» kompanııalary, «Argymaq» qazaqstandyq úzdik brend, «TUMI» kompanııasy, «Coffeeday» kofehanalar jelisi, «Life Fitness» fıtness-ortalyǵy, «Dom ý ozera» qonaqúıi, «Coffeeboom» kofehanalar jelisi, Qazaqstan fýtbol federatsııasy, Qazaqstan shahmat federatsııasy, «Phalı ı Hınkalı» meıramhanasy, «17.Office» shoý-rýmy, «MEGA Silk Way» SOSO.
Baldyń aqparattyq seriktesteri: «Jibek Joly» ulttyq telearnasy, «Silk Way» halyqaralyq spýtnıktik arna, «QazAqparat» halyqaralyq aqparat agenttigi, «We Project» halyqaralyq portaly, «Sxodim Group» medıaholdıngi, «NUR Media» holdıngi, «Sputnik Qazaqstan», «BES.media», «Massaget.kz», «Smartnews.kz», «The Qazaqstan Monitor» aqparat agenttikteri.
