Álem - jańa tumaý
ASTANA. Qarashanyń 5-i. QazAqparat - A/H1N1 tumaýy alǵash ret mysyqtan anyqtaldy, delingen amerıkandyq veterınarlyq qoǵamdastyqtyń sársenbi kúni taratylǵan málimdemesinde.
«Dońyz tumaýynan» Aıova shtatyndaǵy úı mysyǵy zardap shegip otyr. Mysyq tumaýdy úı ıeleriniń birinen juqtyryp alsa kerek, deıdi mamandar.
«Mysyq turatyn otbasynyń eki nemese úsh múshesi, mysyqtyń aldynda ǵana vırýstyq aýrýmen aýyryp turǵan eken», dep habarlady jýrnalısterge shtattyń densaýlyq saqtaý departamentiniń veterınary Enn Garvı.
Bul mysyqtyń «dońyz tumaýyn» juqtyrýynyń alǵashqy tirkelgen oqıǵasy.
«Aýyrǵan adamdardyń janynda júrgen úı janýarlary da aýrý juqtyryp alýǵa beıim, sondyqtan da olardyń da densaýlyǵyn baqylaý kerek», deıdi shtattyń bas veterınary Devıd Shmıtt.
Osydan eki apta buryn AQSh Aýyl sharýashylyǵy mınıstrligi A/H1N1 vırýsymen dońyzdardyń aýyrý faktisin rastaǵan bolatyn.
