Álem jańa shtamnyń qaýpin baǵalap otyr

NUR-SULTAN. QazAqparat – Ulybrıtanııada jınalǵan «Úlken jetilik» elderi keńesiniń kún taqyrybynda koronavırýstyń jańa shtamy, jahandyq sanıtarlyq jaǵdaıy boldy. Bul týraly QazAqparat Euronews aqparat agenttigine silteme jasap habarlaıdy.

Birer kún buryn Dúnıejúzilik densaýlyq saqtaý uıymy «omıkrondy» alańdaýǵa sebep bolatyn qaýipti shtamdar qataryna jetkizdi. Vırýs Eýropaǵa Ońtústik Afrıka respýblıkasynan kelgen. Álemniń kóptegen elderi osy el jáne onyń kórshilerimen áýe qatynasyna shekteý qoıyp nemese múldem toqtatyp otyr.

Jeksenbi kúni jańa shtamm Ońtústik Afrıkadan Nıderlandyǵa kelip jetken kem degende 13 jolaýshydan anyqtalǵan.

Nıderlandy eliniń Densaýlyq saqtaý mınıstri Hýgo de Ionge: «Árıne, biz qatty alańdap otyrmyz, birqatar sarapshylardyń pikirinshe, koronavırýstyń bul nusqasy óte qaýipti bolýy múmkin. DDSU-nyń ony «alańdaýshylyq týdyratyn» dep ataǵany da sondyqtan. Biz shtamnyń aýrýǵa shaldyqqan adamǵa, kovıdpen aýyrǵan nemese oǵan qarsy ekpe saldyrtqandardyń ımmýndyq júıesine qalaı áser etetinin ázirge bilmeımiz. Qajetti aqparattyń bolmaýy sebebimen, alańdaýymyzdy oryndy ne orynsyz ekenin bilmeı otyrmyz», - dep túsindirdi.

Osy arada, jańa shtamm paıda bolǵan eldiń dárigerleri sheteldik áriptesterin alańdamaýyn surady.

Ońtústikafrıkalyq medıtsına qaýymdastyǵynyń tóraıymy Anjelıka Koetzı: «Aýrý belgileri óte álsiz, mundaı patsıentterdi úıden de emdeýge bolady. Mundaǵy dárigerlerdiń patsıentterin ottegine ótkizý qajettiligi týraly estigen emespin», - dedi.