«Álem Ýnıversıteti hanshaıymyndaǵy» janjal: ýfalyq boıjetken Qazaqstannyń namysyn qorǵaýda (FOTO VIDEO)
ASTANA. QazAqparat - Qytaıda halyqaralyq sulýlyq baıqaýyndaǵy janjalǵa ýfalyq boıjetkenniń áreketi sebep bolǵan. Onda Ýfa qalasynyń stýdenti Reseıdiń ornyna Qazaqstannyń namysyn qorǵaýda, dep habarlaıdy Bashqurt spýtnıktik telearnasy.
Bul jańalyq ýfalyq stýdentke jankúıer bolǵandardyń barlyǵyn eseńgiretti. Modeldik agenttikter bolyp jatqan oqıǵaǵa baılanysty óz nusqalaryn jarysa jazýda. Al Bashqurtstannyń Stýdenttik hanshaıymy bolsa, Ǵalamtorǵa kezekti sýretterin salyp jatyr.
Aspanasty eline sapar aldyndaǵy fotosessııa. Júz adamnyń ishinen tańdalǵan boıjetkenderdiń arasyndaǵy Nastıa ıAkovleva men Eva Chashınskaıa Qytaıda Bashqurtstannyń atynan óner kórsetýi tıis edi. «Álem Ýnıversıteti hanshaıymy» - feshn-ındýstrııadaǵy eń bedeldi atalymdardyń biri. Bıyl ol 27-shi ret ótkizilip jatyr. Aqtyq kezeńge úzdik atalǵan 70 boıjetken joldama aldy. Olardyń árqaısysy aımaqtyq kezeńderde jeńiske jetken.
