Álem turǵyndary vaktsınatsııalaýǵa qalaı qaraıdy - zertteý
NUR-SULTAN. QazAqparat – Eýropa jáne Amerıka ǵalymdary sońǵy bes jyldaǵy 150 eldiń vaktsınaǵa kózqarasyn qadaǵalap kelip, reseılikterdiń tek 23%-y olardy múldem qaýipsiz dep sanaıtynyn anyqtady. Bul týraly QazAqparat TASS saıtyna silteme jasap habarlaıdy.
Dúnıejúzilik COVID-19 pandemııasy bastalǵanǵa deıingi sońǵy bes jyl ishinde kóptegen elder turǵyndarynyń vaktsınaǵa qatysty pikiri qalaı ózgergeni týraly alǵashqy aýqymdy zertteý júrgizildi. Atalmysh zertteýdi Londonnyń gıgıena jáne tropıkalyq medıtsına mektebiniń (LSTHM) professory Haıdı Larsonnyń jetekshiligimen dárigerler men áleýmettanýshylar toby jasady.
Osy zertteý aıasynda ǵalymdar 149 elde 284 myńnan astam respondentke saýalnama júrgizdi. Olar vaktsınalardy qaýipsiz, tıimdi dep sanaı ma jáne adamzattyń ómir súrýi úshin mańyzdy ma degen úsh suraqqa jaýap berdi.
Osy saýalnamalardyń nátıjelerin biriktire otyryp, ǵalymdar adamzattyń vaktsına tıimdiligine, qaýipsizdigine jáne mańyzdylyǵyna degen senimi sońǵy bes jylda jahandyq deńgeıde de, álemniń elderiniń deńgeıinde de ósti degen qorytyndyǵa keldi. Degenmen Aýǵanstan, Indonezııa, Pákistan, Fılıppın, Polsha jáne Ońtústik Koreıa sııaqty elder bul qatarǵa kirmeıdi. Sońǵy eki jaǵdaıda ǵalymdar muny úılestirilgen jáne belsendi vaktsınatsııaǵa qarsy qozǵalystyń paıda bolýymen baılanystyrady.
Basqa elderde, sonyń ishinde Reseıde, barlyq úsh kórsetkish aıtarlyqtaı ósken. Jekelegen elder deńgeıinde vaktsınalarǵa Ýganda, Bangladesh, Irak, Úndistan, Sırııa, Ózbekstan jáne Afrıkanyń birqatar elderi senedi, al Eýropanyń kóptegen elderi, sondaı-aq Japonııa, Izraıl, Qytaı jáne Reseıde bul reıtınginiń sońynda tur.
